Samaloty izrailskaj avijakampanii El Al upieršyniu z 1982 hoda palaciać u šabat, kab dastavić reziervistaŭ u krainu
Kampanija atrymała dazvoł na vykanańnie rejsaŭ u subotu ad duchavienstva. Iudziejskim kanonam praduhledžana vyklučeńnie —padarožža ŭ šabat mahčyma, kali jano nieabchodna dla vyratavańnia žyćciaŭ, piša «Chołod».
Zvyčajna samaloty izrailskaj avijakampanii El Al nie latajuć u suboty, bo padarožničać u šabat zabaraniajuć iudziejskija relihijnyja praviły.
Ale hetym razam, piša The Times of Israel, u avijakampanii atrymali adabreńnie ad duchavienstva na ździajśnieńnie palotaŭ u šabat, pakolki vyratavalnyja pieraloty adpaviadajuć pryncypu ŭ iudziejskim pravie, zhodna ź jakim zachavańnie žyćcia pieraŭzychodzić amal usie inšyja relihijnyja patrabavańni.
Vydatki na pieralot voźmuć na siabie sama avijakampanija i bujnyja finansavyja ŭstanovy ZŠA. Jakija ŭstanovy, kampanija nie ŭdakładniła.
Kamientary