Kino77

«Vostraŭ. 2029». Litoŭcy źniali antyŭtopiju pra budučyniu adnosin ź Biełaruśsiu

Litoŭskija kinošniki źniali sieryjał «Vostraŭ. 2029» (Sala. 2029). U vaśmi sieryjach našy susiedzi pafantaziravali, što budzie, kali da Biełaruskaj AES dadać vajnu ŭ Jeŭropie i litoŭskuju hłybinku, a potym pravaryć hetuju sumieś ciaham niekalkich hadoŭ. Atrymałasia cikavaja, chacia i krychu prościeńkaja antyŭtopija na adzin viečar.

Skryn z trejlera sieryjała

My ŭ nievialičkim horadzie. Vierahodna, niedaloka Biełaruś, bo nam časam demanstrujuć dym z trub bujnoha pradpryjemstva — miarkujučy pa kantekście, havorka musić być pra AES u Astraŭcy. Ale ž pole dziejańnia — Litva, i hieroi — litoŭcy.

Pierš za ŭsio heta muž i žonka, jakim nie pa statusie marnieć u hetaj hłuchmieni: jana — navukoŭka, jon — dastatkova razumny čałaviek, kab ładzić svajo rasśledavańnie vakoł padziej u rajonie. A rasśledavać tut jość što, bo kala AES znachodzicca sakretnaja baza rasijskich vajskoŭcaŭ, i nam namiakajuć, što tam adbyvajecca niešta drennaje.

Na dvary 2029-ty, ale mihrancki kryzis usio jašče ciahniecca, i, vidać, jeŭrapiejskija palityki schilajucca da radykalnych rašeńniaŭ nakštałt ściany na miažy ź Biełaruśsiu — zhadajcie trampaŭskuju ścianu na miažy ź Mieksikaj. Nam pakažuć litoŭskich pamiežnikaŭ, jakija spadziajucca, što kali na miažy pastaviać hetuju ścianu, to pracy ŭ ich stanie mienš. Ale ž adzin ź ich niaščyry ŭ chvalavańni za miažu, bo supracoŭničaje ź miascovymi kantrabandystami, chacia i sprabuje vyrvacca z hetkaj pracy. Mihranty ŭ sieryjale taksama źjaviacca, u tym liku i ŭ roli achviarnaha kazła.

U hetym śviecie, dzie kožny vyžyvaje jak moža, situacyja abvastrajecca jašče bolš. Pačynajecca ŭsio adnosna niavinna: u navukoŭki dochnuć kury. Jana padazraje, što reč va ŭhnajeńniach susieda-pčalara, ale i toj u razhublenaści, bo ŭ jaho pamirajuć pčoły. Stancyja čamuści pačynaje śviacicca zialonym, suviaź u rajonie prapadaje, u ziamli źjaŭlajucca treščyny, i ŭrešcie navakolle prosta zataplaje. Na stancyi zdaryłasia katastrofa, treba biehčy, ale jak heta zrabić, kali navokał vada?

Dziejańnie ŭ «Vostravie» raźvivajecca niaśpiešna, časam i zanadta pavolna. Stvaralniki sieryjała vykarystoŭvajuć minimum łakacyj: viaskovyja prastory, adzin ci niekalki starych budynkaŭ ź jaŭna savieckim minułym i damki roznaj stupieni zachavanaści — i minimum mantažu. Vynikam stała adsutnaść emacyjnych kadraŭ, jak heta byvaje ŭ filmach-katastrofach.

Skryn z trejlera sieryjała

Scenar «Vostrava» nie spryjaje razvažańniam dy analizu, hieroi ŭ im niešmatsłoŭnyja i niazdolnyja na jarkija dyjałohi. Časam čakaješ ad ich bolšaj emacyjnaści — naprykład, pierad pahrozaj źniavoleńnia. Ź inšaha boku, i takija sieryjały, biez pretenzij na vialikuju hłybiniu, taksama majuć prava na žyćcio, tym bolš što zakładzienaja ŭ scenar siužetnaja linija nasamreč aryhinalnaja — antyŭtopija na biełaruskaj miažy. Zdajecca, hetaja linija i jość toje, što robić sieryjał u cełym prydatnym dla taho, kab patracić na prahlad volny viečar, kali niama lepšaj alternatyvy. Ale ž chaciełasia b lepš razumieć matyvacyju hierojaŭ, čamu jany robiać tyja ci inšyja ŭčynki. Naprykład, navošta adna z hałoŭnych hieraiń choča źbiehčy z horada jašče da patopu? 

Zajmalna i sumna, što litoŭcy vyrašyli raźmiaścić antyŭtopiju mienavita na biełaruskaj miažy, što źviazali jaje z abjektam u našaj krainie — AES u Astraŭcy — i ź mihranckim kryzisam, za jaki adkaznyja biełaruskija ŭłady. Jašče bolš sumna, što našy susiedzi dapuskajuć dumku, što ŭ 2029-m im daviadziecca adharodžvacca ad Biełarusi ścianoj i źbiahać ad rasijskich vajskoŭcaŭ ź ich sakretnymi misijami na litoŭskaj terytoryi. Chaciełasia b vieryć u inšuju budučyniu.

Na siońnia vyjšła šeść z vaśmi epizodaŭ sieryjała. Ich možna pahladzieć na sajcie litoŭskaj płatformy-vytvorcy.

«Naša Niva» — bastyjon biełaruščyny

PADTRYMAĆ

Režysior Kašpierski — pra novy sieryjał, «Biełaruśfilm» jak chorar i žonak kitajskich ministraŭ

10 pierśpiektyŭnych sieryjałaŭ hetaj vosieni

Jakim stanie śviet, kali kožny atrymaje bazavy dachod, a rucinnuju pracu budzie vykonvać štučny intelekt? Adkazy šukaje film «Paśla pracy»

Kamientary7

  • Adam Iosifovič
    23.10.2023
    Tupaja propahanda, avtory kotoroj vidieli Biełaruś raźvie čto čieriez etu samuju hranicu. Voobŝie-to eto mietafora frustracii Litvy, kotoruju zastavili zakryť svoju AES i sosiedi tiem vriemieniem otkryli svoju. Tut dažie ničieho ličnoho, jeśli by otkryli v Kalininhradskoj obłasti ili Polšie, vozmožno dažie v Łatvii, rieakcija była by takaja žie. Litovcy počti vsiech sosiediej niedolublivajut. 
  • Dziadźka ŭ Vilni
    23.10.2023
    "Krychu prościeńka"? Značyć, scenar pisaŭ Aleś Bieły.
  • Litvin
    23.10.2023
    Letuvisy źniali sami svaje strachi

Ciapier čytajuć

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ1

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ

Usie naviny →
Usie naviny

«Ludzi ad nas adviarnulisia». Žonka ŭładalnika pašparta prykryćcia Ivana Miščuka prakamientavała skandał ź im5

«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku32

Jeŭrasajuz choča ŭvieści poŭnuju zabaronu na zakupku praduktaŭ z rasijskaj nafty6

Rasija i Ukraina praviali čarhovy abmien ciełami zahinułych vajskoŭcaŭ. Jon išoŭ praź Biełaruś

«Raźjazdžalisia prosta pa tratuarach». Kala novaha stadyjona paśla matča adbyŭsia kałaps3

Ukraincy nanieśli ŭdar vysokadakładnymi snaradami pa bazie rasijskich vojskaŭ u Kurskaj vobłaści VIDEA1

Śpiecsłužby vychodziać na kantakt z aktyvistami praz fejsbuk: što viadoma i jak siabie abaranić1

Minzdaroŭja baicca, što pakistancy pryviazuć u Biełaruś lichamanki Krym-Konha i Čykunhuńja8

Videa, u jakim kiraŭnik Kryčava prasiŭ žycharoŭ achviaravać na prypynki, vydalili paśla rezanansu1

bolš čytanych navin
bolš łajkanych navin

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ1

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić