Bačyli siamju na ŭpakoŭcy viadomaha batona? Ich adšukali ŭ Threads
Adna z karystalnic Threads zacikaviłasia pytańniem: a chto ž taja siamja, čyjo fota možna pabačyć na ŭpakoŭcy batona «Dla vašaj siamji», i čamu ludzi pahadzilisia sfatahrafavacca. Niečakana ŭ kamientary pryjšła žančyna sa zdymka i ŭsio raskazała.
«My taja samaja siamja na batonie», — napisała Julija Ajhumava i ŭ jakaści dokazu dadała śviežy siamiejny zdymak z adpačynku. Viadoma, jaje adrazu zavalili pytańniami.
Vyśvietliłasia, što siamja Ajhumavych — Julija, jaje muž Rusłan i ich dzieci Jeva i Bahdan — žyvuć u Hrodnie. Sama Julija pracuje majstrycaj manikiuru i piedykiuru, a taksama pravodzić navučańni. A jaje dačka Jeva ŭžo daŭno sprabavała siabie ŭ madelinhu.
Žančyna raspaviała, što prosta dasłała fota na konkurs, jaki pravodziŭ Słucki chlebazavod, — i mienavita jano pieramahło. Darečy, sam zdymak byŭ zrobleny piać hadoŭ tamu.
U kamientarach pacikavilisia, ci atrymali Ajhumavy hanarar za toje, što ciapier na ich fota hladzić usia Biełaruś. Julija paćvierdziła, što hrošy im sapraŭdy zapłacili, ale pamier sumy nie ahučvała.
Spytali i pra toje, ci jeść sama siamja toj baton «Dla vašaj siamji». Žančyna pryznałasia, što ŭ Hrodnie jon nie pradajecca, a voś kali jany pryjazdžajuć u Minsk, to nabyvajuć adrazu šmat — kab potym padaryć babulam i dziadulam, dy kab dzieci mahli adnieści ŭ sadok i škołu.
Ludzi žartujuć, što na frazu «Ja vas niedzie ŭžo bačyŭ», Julija moža śmieła adkazvać: «Na batonie!». A žančyna raskazała, što jašče nie było vypadku, kab ich na vulicy niechta paznaŭ — zatoje na kasie ŭ kramie, kali jany nabyvajuć šmat batonaŭ na padarunki, paznajuć zaŭsiody.
Julii napisali šmat pryjemnych słoŭ: «Vaša siamja dla mianie ŭžo jak rodnaja!», «Vy vielmi miłyja, dobra vyhladajecie na maim lubimym batonie», «Kali kuplaju jaho, zaŭsiody mužu kažu «baton sa ščaślivaj siamjoj» i moj muž adrazu razumieje, jaki baton ja ŭziała».
Uvohule, ideja zavoda raźmiaścić na ŭpakoŭcy fota realnaj biełaruskaj siamji spadabałasia ludziam: «Ideja, darečy, top. Možna kožny hod mianiać siemji. Budzie rentabielnaść šalonaja. Ja b usim svajakam kuplała svoj baton». Julija pažartavała ŭ adkaz: «Ničoha nie treba mianiać. Piać hadoŭ visim na hetym batonie, možam jašče dvaccać».
Pamiatajecie fota, jak ściuardesa «Biełavija» adpačyvała ŭ turbinie samalota? Dziaŭčyna raspaviała jaho historyju
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža
Tusk i hrodziency na kaleniach: rasijskaja prapahanda vykarystoŭvaje FOTA 18‑hadovaj daŭniny, kab abrazić Ukrainu
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary