Cichanoŭskaja pajedzie na Miunchienskuju kanfierencyju pa biaśpiecy
Lidarka demakratyčnych siłaŭ Biełarusi Śviatłana Cichanoŭskaja sioleta ŭžo tradycyjna voźmie ŭdzieł u Miunchienskaj kanfierencyi pa biaśpiecy 2026 hoda, jakaja adbudziecca 13—15 lutaha. Pra heta paviedamili arhanizatary forumu ŭ sacsietcy X.
«Dla nas vialiki honar, što lidarka biełaruskaj apazicyi Śviatłana Cichanoŭskaja znoŭ dałučycca da nas u ramkach MSC2026», — havorycca ŭ paviedamleńni arhanizataraŭ forumu.
Pres-słužba Cichanoŭskaj paviedamiła, što demakratyčnaja lidarka voźmie ŭdzieł u asnoŭnaj prahramie, sajd-iventach i praviadzie šerah palityčnych sustreč. U miežach prahramy taksama projdzie panelnaja dyskusija «Fokus na Biełarusi» z udziełam Śviatłany Cichanoŭskaj, ministra zamiežnych spraŭ Litvy Kiastucisa Budrysa i sienatara ZŠA Pitera Uełča. Taksama ŭ Cichanoŭskaj zapłanavany šerah intervju ź mižnarodnymi ŚMI u Miunchienie.
Temy, jakija płanuje abmierkavać Cichanoŭskaja: padziei va ŭzajemadziejańni z administracyjaj prezidenta Trampa, humanitarny kirunak, źviazany z palityčnymi źniavolenymi, pracu ź ES u miežach sankcyjnaj palityki, a taksama stratehii ŭ dačynieńni da Biełarusi i Ukrainy — asabliva ŭ kantekście pieršaj aficyjnaj sustrečy Cichanoŭskaj z prezidentam Zialenskim, jakaja adbyłasia 25 studzienia.
Sioleta ŭdzieł u mierapryjemstvie, jakoje ŭžo 62‑ie pa liku, paćvierdzili kala 50 kiraŭnikoŭ dziaržaŭ i ŭradaŭ z roznych krain śvietu. Siarod ich — lidary bolšaści jeŭrapiejskich krain, a taksama šyrokaja delehacyja fiederalnaha ŭrada Hiermanii na čale ź fiederalnym kancleram Frydrycham Miercam. Cichanoŭskaja zaprošanaja na kanfierencyju piaty hod zapar.
Padčas sioletniaha mierapryjemstva płanujecca abmierkavać pytańni jeŭrapiejskaj biaśpieki i abarony, budučyniu transatłantyčnych adnosin, rolu šmatbakovaha supracoŭnictva, rehijanalnyja kanflikty, a taksama ŭpłyŭ technałahičnaha raźvićcia na biaśpieku ŭ śviecie.
Džej Dzi Vens nie pryjedzie na Miunchienskuju kanfierencyju pa biaśpiecy
Jak Ukrainu šantažavali ŭ Miunchienie i čamu sarvałasia ździełka z ZŠA
«Nam nie patrebnyja pasiaredniki, nam patrebnyja sajuźniki». Ukrainski dypłamat rezka vykazaŭsia ab vynikach Miunchienskaj kanfierencyi
Cichanoŭskaja sustrełasia z adzinym kandydatam ad apazicyi Vieniesueły, jaki, imavierna, vyjhraŭ vybary, ale Madura nie addaŭ uładu
Piać vysnoŭ ź Miunchienskaj kanfierencyi pa biaśpiecy, jakaja ŭvojdzie ŭ historyju
Cichanoŭskaja sustrełasia z Kiełaham u kułuarach kanfierencyi ŭ Miunchienie
Kamientary
Dzivaki, jechali b biez zaprašennia, nachaleru jano treba, praz vakno zalezli b, dy i paprysutničali b. Moža navat pacisnuli b ruku, tamu siamu, dy selfi zrabili b... Voj...