U Vialikabrytanii i Francyi ultrapravyja siły ŭ čakańni vybaraŭ starajucca admiežavacca ad Pucina
Jak piša vydańnie Politico, u Brytanii partyja Reform UK, jakuju ŭznačalvaje Najdžeł Faradž, prykładaje namahańni, kab pazbavicca imidžu palityčnaj siły, što simpatyzuje rasijskamu lidaru. Heta robicca jak dla brytanskich vybarščykaŭ, jakija ŭ bolšaści padtrymlivajuć Ukrainu, tak i dla jeŭrapiejskich partnioraŭ.
Reform UK, jakaja maje šancy na pośpiech na vybarach na fonie kryzisu ŭ kansiervataraŭ i lejbarystaŭ, za apošnija paŭhoda nieadnarazova kantaktavała ź jeŭrapiejskimi dypłamatami. Pradstaŭniki partyi zapeŭnivali, što padtrymlivajuć suvierenitet Ukrainy i rolu NATA ŭ supraćstajańni rasijskaj ahresii. Taksama była arhanizavanaja sustreča z ukrainskimi pradstaŭnikami, kab vykazać salidarnaść ź ich namahańniami ŭ vajnie.
Sam Faradž u kastryčniku 2025 hoda nazvaŭ Pucina «vielmi kiepskim chłopcam», vystupiŭ za bolš žorstkija miery suprać Rasii i padtrymaŭ vykarystańnie zamarožanych rasijskich reziervaŭ na karyść Ukrainy. Jaho namieśnik Ryčard Tajs publična acharaktaryzavaŭ pucinski režym jak žorstkuju tyraniju. Pry hetym raniej Faradž nieadnarazova vykazvaŭsia pra Pucina z zachapleńniem i navat śćviardžaŭ, što Zachad sam «spravakavaŭ» vajnu praz pašyreńnie NATA i ES.
Niadaŭna partyja pasprabavała kančatkova razarvać ź minułymi suviaziami, zamianiŭšy kiraŭnika svajho adździaleńnia va Uelsie paśla taho, jak papiarednik byŭ asudžany na praciahły termin źniavoleńnia za atrymańnie hrošaj z Rasii.
Niahledziačy na heta, jeŭrapiejskija dypłamaty staviacca da źmieny rytoryki Reform UK z aściarohaj. Ich turbuje nie stolki mahčymaść prarasijskich suviaziaŭ, kolki nievyraznaść partyjnaj pazicyi i adsutnaść vyraznych zajaŭ u padtrymku Ukrainy.
Padobnyja pracesy adbyvajucca i ŭ Francyi. Maładoje pakaleńnie palitykaŭ ultrapravaj partyi «Nacyjanalnaje abjadnańnie», źviazanaje ź jaje lidaram Žardanam Bardeła, imkniecca nie asacyjavacca z Pucinym. Bardeła, jakoha ličać mahčymym favarytam prezidenckich vybaraŭ 2027 hoda, užo ŭ 2024 hodzie padtrymaŭ pastaŭki zbroi Ukrainie i adkryta asudziŭ rasijskuju ahresiju.
Pavodle słoŭ krynic Politico, unutry partyi isnuje padzieł: starejšyja členy časta paŭtarajuć arhumienty Kramla, a novaja kamanda Bardeła razhladaje Rasiju jak pahrozu dla Francyi i Jeŭropy.
Razryŭ z Pucinym staŭ dla kiraŭnictva «Nacyjanalnaha abjadnańnia» važnaj častkaj stratehii vychadu ŭ palityčny mejnstrym i sprobaj pryciahnuć bolš šyroki elektarat.
«Zamiest vyratavańnia Jeŭropy centrysty viaduć jaje ŭ prorvu»
Mnohija robiać toje, što i Tramp. Tolki cichieńka i biez ekstravahancyi
Kansiervatyŭnuju partyju Brytanii ŭpieršyniu ŭznačaliŭ ciemnaskury palityk
Tramp zajaviŭ, što ŭ Afhanistanie sajuźniki pa NATA adsiedžvalisia ŭ tyle. Vieterany ŭ Jeŭropie strašenna aburanyja
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie12
Kamientary
Sprava nie ŭ tym padabacca heta ci nie, ale takija fakty. Naprykład Miełoni taksama abzyvali prarasiejskaj i krajniepravaj, u tym liku tut i toje cytavanaje vydańnie, ale ŭ vyniku vyjaviłasia, što heta zusim nie tak. I navat Politico było vymušana pryznać jaje palitykam hoda.
Niaŭžo vybarcy padtrymlivajuć takija ŭltrapravyja pastułaty jak viartańnie raniejšaj biaśpieki ŭ svaich JEŬRAPIEJSKICH krainach?
Naprykład tut byŭ artykuł pra skandały ź viaźnicy ź niapravilnyja kamientary ŭ UK? Abo pra toje, jak niekatoryja prahresiŭnyja ŭžo ŭ bieł-čyrvonym ściahu Anhlii sprabavali pabačyć rasizm? Nie? Dyk moža varta było b napisać, kab biełaruskija čytačy krychu zrazumieli situacyju tam.
Chiba, što ličycie, što chopić abazvać vorahaŭ tak i tak dy ludzi schavajuć, nibym biełaruskaja i rasiejskija prapahanda, jakaja jašče z savieckich časoŭ lubić abzyvać fašystami inšadumcaŭ.