Urad Kira Starmiera trapiŭ u surjozny palityčny kryzis. I ŭsio znoŭ z-za Epštejna
Prieḿjer-ministr Vialikabrytanii Kir Starmier apynuŭsia ŭ samym surjoznym kryzisie za paŭtara hoda svajoj pracy i moža stracić pasadu. Pra jaho mahčymuju adstaŭku kažuć navat ministry i blizkija sajuźniki. Pryčyna kryzisa — doŭhi skandał vakoł pryznačeńnia ambasadaram u ZŠA łorda Pitera Mandelsona, jaki mieŭ suviazi z Džefry Epštejnam, piša Ruskaja słužba Bi-bi-si.
Niadaŭna ŭ adstaŭku padali hałoŭny pamočnik Starmiera Morhan Maksuini i kiraŭnik kamunikacyjnaha adździeła Cim Ałan. Heta vyklikała razmovy pra toje, ci zastaniecca Starmier na pasadzie. Pakul jon zajaviŭ, što nie źbirajecca sychodzić, ale cisk unutry partyi raście.
Piter Mandelson, viadomy jak «Kniaź ciemry» za svaje zakulisnyja intryhi, šmat hadoŭ mieŭ šyrokija suviazi ŭ palitycy. Jon byŭ ambasadaram u ZŠA mienš za hod, ale ŭžo padčas pracy vyśvietliłasia, što jon mieŭ ciesnyja adnosiny z Džefry Epštejnam: pastajannyja kantakty, finansavyja pieraličeńni i navat sumnieŭnyja asabistyja adnosiny. Heta pryviało da adstaŭki Mandelsona z partyi i Pałaty łordaŭ, a taksama da kryminalnaha rasśledavańnia.
Starmier pryznaŭ, što, kali b viedaŭ usio raniej, to Mandelsona nie pryznačaŭ by. Ale mnohija śćviardžajuć, što pryznačeńnie adbyłosia praz asabistyja suviazi Mandelsona z upłyvovymi savietnikami Starmiera, asabliva z Maksuini. Sam Starmier byŭ daloki ad Mandelsona i nie mieŭ ź im ciesnych adnosin.
Skandał mocna padarvaŭ reputacyju lejbarystaŭ, pakazaŭšy, što staryja palityčnyja zvyčki — kumaŭstvo i zakrytaja kultura — u brytanskaj paliťcy isnujuć nadalej. Tamu navat kali Starmier zastaniecca na pasadzie, hety incydent mocna adabjecca na jaho kadravaj palitycy.
Kali Kir Starmier usio ž pojdzie ŭ adstaŭku, to na jaho miesca mohuć pryjści adrazu niekalki palitykaŭ, choć šmat budzie zaležać ad zakulisnych hulniaŭ u parłamiencie.
Hałoŭnaj kandydatkaj pavodle bukmiekieraŭ ličycca Andžeła Rejnier, u jaje 30% šancaŭ. Raniej jana była vice-premjerkaj i ministarkaj pa žyllovaj palitycy, ale jana pajšła z pasady z-za skandału z padatkami.
Taksama siarod kandytataŭ Ed Milibend — dziejny ministr pa enierhietyčnaj biaśpiecy i były lidar lejbarystaŭ (šancy kala 14%). Jon viadomy tym, što raniej nie daŭ Mandelsonu pasadu ŭ «cieniavym kabiniecie» i supraćstajaŭ jaho ŭpłyvu.
Jašče adzin mahčymy pretendent Ues Strytynh — ministr achovy zdaroŭja i sacyjalnaha zabieśpiačeńnia, jaki ličycca mocnym «technakratyčnym» lidaram.
Ale jość navat vielmi małavierahodny varyjant (7%), što na post premjera moža pry peŭnym źbiehu abstavin trapić pradstaŭnik pravaha papulisckaha kryła Najdžeł Faradž (partyja Reform UK).
U Vialikabrytanii i Francyi ultrapravyja siły ŭ čakańni vybaraŭ starajucca admiežavacca ad Pucina
SVR: ZŠA, Brytanija, Niamieččyna i Polšča rychtujuć novuju sprobu źmianić kanstytucyjny ład u Biełarusi
Apublikavany try miljony fajłaŭ Epštejna: što novaha i ci buduć jašče?
Kir Starmier admovicca ŭvajści ŭ skład trampaŭskaj Rady miru
Tramp zajaviŭ, što ŭ Afhanistanie sajuźniki pa NATA adsiedžvalisia ŭ tyle. Vieterany ŭ Jeŭropie strašenna aburanyja
U Jeŭropie abmiarkoŭvajuć stvareńnie jak alternatyvy NATA novaha abarončaha sajuza z udziełam Ukrainy
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary
Samy lepšy vychad z situacyi - heta pašychtavać usiu śvitu ŭ karaleŭskim pałacy i dać takuju kamandu: "usie, chto zamiešany ŭ błudnictvie, dva kroki napierad, pam-pam!".
I ŭsio, i prablema vyrašana, i niama čaho ciahnuć kata za ja...chvost. Nu, praŭda, kolki možna, zadaŭbali musolić. Niama čym plebsu vušy zahruzić ?
Podozrievajut čto rieċ pro 14-ju doċ