«Ja ledź nie straciła prytomnaści». Robi Uiljams pryśviaciŭ pieśniu 4-hadovaj dačce biełaruski
Biełaruska Luboŭ Adamuška pabyvała na kancercie ŭ lehiendarnaha Robi Uiljamsa. Muzyka vystupaŭ na stadyjonie Etihad Arena ŭ Abu-Dabi ŭ ramkach suśvietnaha turne 25 years of Hits. Luboŭ apynułasia ŭ pieršych šerahach la sceny i zapisała videa, jakoje da hetaha času vyklikaje ŭ jaje dryžyki ŭ kaleniach, piša «Anłajnier».
Na kancercie, kudy pryjšło kala 15 tysiač čałaviek, Robi Uiljams raptam abraŭ z natoŭpu biełarusku Lubu i spytaŭ, jak zavuć jaje dziaciej. Śpiavak nazvaŭ siabie dziadźkam Robi, źviarnuŭsia niepasredna da 4-hadovaj dački biełaruski i zapeŭniŭ, što praz 30 hadoŭ jana budzie z uśmieškaj pierahladać hety zapis.
A dalej muzyka pryśviaciŭ pieśniu małoj Jevie — heta chit Love My Life z alboma The Heavy Entertainment Show. Kamientatary pryjšli ŭ zachapleńnie ad videa i rajać Jevie pradać hety rolik za miljon dalaraŭ.
Mama dziaŭčynka pryznałasia, što da hetaha času nie moža pryjści ŭ prytomnaść paśla znosin z Robi:
«Emocyi byli nievierahodnyja — ździŭleńnie, radaść, poŭnaja niečakanaść. Vonkava ja vyhladała całkam sabie spakojna, ale ŭnutry ledź nie dziesiać razoŭ straciła prytomnaść».
Pry hetym mahčymaść pasłuchać vystupleńnie Robi Uiljamsa litaralna za dva kroki ad sceny była dla biełaruski biaspłatnaj, płacić za kvitok joj nie pryjšłosia.
«Ja atrymała zaprašeńnie ad mieniedžmientu Robi Uiljamsa, bo moj partnior pracavaŭ ź imi raniej», — patłumačyła Luboŭ.
Čytajcie taksama:
Akaŭnty Lepsa i Hazmanava ŭ Spotify ŭzłamali. Tam raźmiaścili zakliki spynić vajnu va Ukrainie
Niaviestka Łukašenki napisała pieśniu pa-biełarusku. Vykanaŭcu dla jaje šukali praz kastynh
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads12
Kamientary