Viadoŭca Dźmitryj Kachno razyhraŭ u instahramie bilety na kancert Praśniakova, jaki padtrymlivaje vajnu, — padpisčyki aburylisia
Papularny biełaruski viadoŭca Dźmitryj Kachno vyrašyŭ razyhrać šeść kvitkoŭ na try roznyja kancerty ŭ Minsku. Ale nie ŭsim padpisčykam spadabałasia, što siarod artystaŭ u hetym rozyhryšy akazaŭsia i Uładzimir Praśniakoŭ, jaki nie raz publična ŭchvalaŭ vajnu Rasii va Ukrainie.
Uładzimir Praśniakoŭ nikoli nie chavaŭ svajoj pazicyi adnosna vajny: jon kazaŭ ab tym, što Ajčynu treba padtrymlivać u luboj situacyi. Śpiavak vystupaje ŭ balnicach dla ranienych rasijskich sałdat, a taksama pieryjadyčna pieraličvaje častku hrošaj, atrymanych ad prodažu kvitkoŭ na svaje kancerty, na padtrymku vajny.
Pazicyja astatnich dvuch artystaŭ, na kancerty jakich prapanoŭvałasia vyjhrać kvitki, — Chamali i Kanhi — nakont vajny nie takaja vidavočnaja.
Treba adznačyć, što absalutnaja bolšaść padpisčykaŭ Kachno ŭzradavałasia rozyhryšu kvitkoŭ i z zadavalnieńniem paŭdzielničała ŭ im. Ale znajšlisia i tyja, chto vykazaŭ abureńnie: «Surjozna? Chto ź ich nie padtrymlivaje ŭvarvańnia va Ukrainu?», «Sapraŭdnaje Kachno…», «Treba ž, Dźmitryj, jak chutka vy na ŭsio zabylisia. A ja voś vydatna pamiataju ŭsie «zasłuhi» Praśniakova i Padolskaj. Vy b jašče na Lepsa bilety padaryli, čaho ŭžo tam. Ja razumieju, vy źjechali ź Biełarusi i sprabujecie budavać karjeru ŭ Rasii. U kožnaha svoj šlach. Ale ŭsio roŭna pavinny być choć niejkija tarmazy. A to takimi tempami chutka dajedziecie i da Maryupala, jak Šepieleŭ».
Kachno praihnaravaŭ krytyčnyja zaŭvahi, padziakavaŭ usim za ŭdzieł i paabiacaŭ pravodzić rozyhryšy čaściej.
Dźmitryj Kachno ŭ 2020 hodzie napisaŭ u instahramie post «Tak nielha!» — tady viadoŭcu aburyŭ žorstki razhon ludziej, jakija stajali ŭ čarzie ŭ kramu Symbal.by. Z-za hetaha jon davoli chutka zastaŭsia biez pracy na telebačańni.
U pačatku vieraśnia 2020 hoda milicyja zatrymała televiadoŭcaŭ Dźmitryja Kachno i Dzianisa Dudzinskaha za ŭdzieł u niesankcyjanavanych akcyjach. Ich dvojčy sudzili: pieršy raz Kachno atrymaŭ 10 sutak, a druhi — vialiki štraf.
Faktyčna straciŭšy mahčymaść pracavać u Biełarusi, Dźmitryj Kachno razam z žonkaj i dziećmi źjechaŭ u Rasiju. Tady paviedamlałasia, što jon stanie viadoŭcam papularnaha šou «Chałaściak» na telekanale TNT. Ale ambicyjnym płanam pieraškodziŭ karanavirus: pierad samym pačatkam zdymak Dźmitryj zachvareŭ na COVID-19, tamu viadoŭcam šou staŭ inšy čałaviek.
U instahramie Kachno piša, što jon uvachodzić u top-100 najlepšych viadoŭcaŭ Rasii.
Biełaruski šoŭmien Źmicier Kachno na dva dni palacieŭ u Kazachstan «u zvyčajnuju pajezdku». A tam pačałosia samaje piekła
Televiadučaha Dźmitryja Kachno znoŭ sudzili — za toje, što zdaryłasia 11 vieraśnia, kali jon adbyvaŭ aryšt na Akreścina
Zatrymali zvolnienych za svaje vykazvańni z telebačańnia Dzianisa Dudzinskaha i Dźmitryja Kachno
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach88
Kamientary