Kijeŭski ŭniviersitet imia Šaŭčenki zakryŭ prahramu pa vyvučeńni biełaruskaj movy
Rektar KNU taksama paćvierdziŭ, što va ŭniviersitecie Šaŭčenki zabaranili rasijskija krynicy.
Kijeŭski nacyjanalny ŭniviersitet (KNU) imia Tarasa Šaŭčenki zakryŭ prahramy pa vyvučeńni biełaruskaj, ruskaj movaŭ i farsi, paviedamiŭ rektar KNU Uładzimir Buhroŭ.
«Sapraŭdy, u nas u Instytucie fiłałohii vyvučałasia ruskaja mova i litaratura, biełaruskaja mova i litaratura, farsi (piersidskaja). My hetyja prahramy zakryli», — skazaŭ jon u intervju ahienctvu «Ukrainskija naviny»
Buhroŭ ličyć, što ŭ škole vyvučać ruskuju movu i litaraturu nie treba. «Chiba što niejkija tvory, mahčyma, u kursie suśvietnaj litaratury, kab možna było jaje identyfikavać. Ale jak na miedycynskim adździaleńni abo na bijałahičnym fakultecie Univiersiteta vyvučajuć virusy, hetak ža va ŭniviersitecie pavinna vyvučacca ruskaja litaratura — pad nahladam vykładčyka-daśledčyka <…>. I pavinien być jaje krytyčny analiz», — dadaŭ jon.
Rektar KNU taksama paćvierdziŭ, što va ŭniviersitecie Šaŭčenki zabaranili rasijskija krynicy. Uładzimir Buhroŭ adznačyŭ, što histaryčnyja krynicy na ruskaj movie vykarystoŭvajucca, «jak i na tureckaj abo inšaj» movie.
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary