Adpravili ŭ adstaŭku dypłamata Dapkiunasa, jaki dva miesiacy tamu vystupiŭ z chamskaj pramovaj u ABSIE
Alaksandr Łukašenka padpisaŭ ukaz, pavodle jakoha Andrej Dapkiunas vyzvaleny ad pasady nadzvyčajnaha i paŭnamocnaha pasła Biełarusi ŭ Aŭstryi i pa sumiaščalnictvie ŭ Słavienii.
Taksama Dapkiunas vyzvaleny ad pasady pastajannaha pradstaŭnika Biełarusi pry mižnarodnych arhanizacyjach u Vienie i pa sumiaščalnictvie pry Arhanizacyi pa biaśpiecy i supracoŭnictvie ŭ Jeŭropie (ABSIE).
Pryčynaj vyzvaleńnia ad pasadaŭ nazvany vychad Dapkiunasa ŭ adstaŭku.
Na dypłamatyčnaj słužbie Dapkiunas byŭ ad pačatku biełaruskaj niezaležnaści — ad 1992 hoda.
Pasłom Biełarusi ŭ Aŭstryi i Słavienii, a taksama pastajannym pradstaŭnikom Biełarusi pry mižnarodnych arhanizacyjach u Vienie i pry ABSIE jon byŭ pryznačany ŭ lipieni 2020 hoda. Pierad tym z 2017 pa 2020 hod jon zajmaŭ pasadu namieśnika ministra zamiežnych spraŭ Biełarusi. A jašče pierad tym, z 2004 hoda, Dapkiunas pracavaŭ pastajannym pradstaŭnikom Biełarusi ŭ AAN.
Andreju Dapkiunasu 63 hady, jon naradziŭsia ŭ Minsku, pachodzić ź intelihientnaj siamji. Jahony baćka — viadomy teatralny dziejač, pracavaŭ u Ministerstvie kultury, Kupałaŭskim teatry. Jahonaja mama ŭznačalvała muziej Janki Kupały.
Cikavym źjaŭlajecca toj fakt, što Andrej Dapkiunas źjaŭlajecca svajakom Janki Kupały. Jahonaja mama — Žanna Dapkiunas — źjaŭlajecca ŭnučataj plamieńnicaj vialikamu paetu. Prababulaj Andreja Dapkiunasa była Leakadzija (Lola) Ramanoŭskaja — rodnaja siastra Janki Kupały.
Paśla 2020 hoda Dapkiunas byŭ padkreślena łajalny da režymu i na mižnarodnych placoŭkach vystupaŭ u jaho abaronu vielmi aktyŭna i navat ahresiŭna. Tak, u kancy červienia hetaha hoda, paśla taho, jak prezident Ukrainy Uładzimir Zialenski pastaviŭ Alaksandru Łukašenku ultymatum i časova dabiŭsia adklučeńnia na terytoryi Biełarusi rasijskich retranślataraŭ dla dronaŭ, Andrej Dapkiunas vystupiŭ u ABSIE z nastolki chamskaj u dačynieńni da Ukrainy pramovaj, što navat aficyjnaja dziaržpresa praź niejki čas vydaliła jaje tekst sa svaich placovak.
U svaim vystupleńni jon siarod inšaha zajaviŭ, što Ukrainaj kiruje «mister Bin pad krekam». Taksama Dapkiunas nazvaŭ prezidenta Ukrainy Uładzimira Zialenskaha «faktyčnym kiraŭnikom Ukrainy» i paraŭnaŭ jaho z žyviołaj, nazvaŭšy «hadavancam Jeŭropy».
Dziaržpresa vydaliła tekst chamskaha vystupleńnia pasła Dapkiunasa ŭ ABSIE
«Trymajcie svaich kijeŭskich hadavancaŭ pad kantrolem». Pradstaŭnik Biełarusi ŭ ABSIE vystupiŭ z chamskaj pramovaj
«Jon nie čakaŭ mianie pabačyć, spałochaŭsia». Cichanoŭskaja na samicie ABSIE ŭ Łodzi zrabiła sumiesnaje fota z pradstaŭnikom režymu
Ciapier čytajuć
Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h4
Kamientary
[Zredahavana]
[Zredahavana]