«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
Pradstaŭnica ministerstva raskazała, što biełarusaŭ užo karajuć za pasty ŭ hetaj sacsietcy.
Pra niebiaśpieku Threads parazvažała načalnica ŭpraŭleńnia infarmacyi i hramadskich suviaziaŭ Natalla Sacharčuk. Jaje niepakoić vialikaja kolkaść skarhaŭ ad biełarusaŭ u hetaj sacsietcy. A jašče toje, što Threads karystajucca ludzi 30—40 hadoŭ.
«Na siońniašni momant heta sapraŭdy pahroza biaśpiecy. Čamu? Tamu što mnohija ludzi ŭvohule nie razumiejuć hetuju sacyjalnuju sietku. U Threads, pavodle ŭsich apošnich daśledavańniaŭ, u asnoŭnym uzrostavaja katehoryja idzie 30—40 hadoŭ. Heta samaja aktyŭnaja katehoryja, jakaja taksama choča być u trendzie.
Usie vydatna zrazumieli adno: što dastatkova napisać niejkuju esemesku ŭ Threads… Naprykład, mnie nie spadabałasia, jakija pradukty na palicy, albo mnie nie spadabałasia, jak pahladzieŭ na mianie supracoŭnik DAI, albo mnie nie spadabałasia, jak prajšoŭ mima i ździejśniŭ niejkaje dziejańnie ŭ dačynieńni… U nas adrazu ŭsio raźmiaščajecca ŭ sacyjalnych sietkach», — skazała Sacharčuk u efiry STB.
Jak ličyć pradstaŭnica MUS, pra ŭsie złačynstvy treba paviedamlać niepasredna ŭ milicyju. Ale ludzi čamuści vykładvajuć usio ŭ sacsietki. Na dumku Sacharčuk, kab pachajpicca. Tamu siłaviki ŭžo pačali karać aŭtaraŭ pastoŭ. Pryčym Sacharčuk pahražaje kryminałkami.
«U nas nieadnarazova byli vyjaŭlenyja padčas manitorynhu takija pasty, za jakija ludzi panieśli administracyjnuju adkaznaść. A ja chaču skazać, što možna być pryciahnutym nie tolki da administracyjnaj adkaznaści, ale i da kryminalnaj. Tamu što treba dumać hałavoj, što vy raźmiaščajecie ŭ luboj z sacyjalnych sietak, tamu što nastupstvy nie prymusiać siabie čakać», — adznačyła pradstaŭnica MUS.
Jana zajaviła, što milicyja manitoryć sacsietki kruhłasutačna i, kali što, reahuje imhnienna.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe17
Kamientary