Ryzyka śmierci ad niekatorych prablem sa zdaroŭjem u siarednim na 70% nižejšaja ŭ tych, chto zvyčajna chutka chodzić. Čamu tak adbyvajecca? Raskazvajem.
Navukoŭcy z brytanskaha Lesterskaha ŭniviersiteta pryjšli da vysnovy, što tyja ludzi, chto chutka chodzić, žyvuć daŭžej i majuć mienšuju imaviernaść pamierci ad raku ci sardečnych zachvorvańniaŭ. Pra heta piša vydańnie The Telegraph.
Daśledčyki 12 hadoŭ nazirali za 400 tysiačami brytancaŭ i analizavali ich temp chadźby. Infarmacyju pra stan zdaroŭja ŭdzielnikaŭ dla daśledavańnia brali z hienietyčnaha prajekta UK Biobank i z asabistych baz danych Nacyjanalnaj sistemy achovy zdaroŭja Vialikabrytanii (NHS).
Ludziej taksama paprasili adkazać na pytańnie: mohuć jany nazvać siabie chutkimi ci pavolnymi — i dali adpaviednyja instrukcyi, jak vyśvietlić chutkaść ich chadźby.
Siaredni ŭzrost udzielnikaŭ ekśpierymienta składaŭ 57 hadoŭ. Siarod ich tolki 6,6% pryznalisia, što chodziać pavolna, 52,6% skazali, što majuć siaredni temp chadźby, i tolki 40,8% nazvali siabie chutkimi chadakami.
Što ž vyśvietlili navukoŭcy? Ludzi, jakija skazali, što chodziać chutka, bolš čym na 25% radziej pamirajuć ad raku, čym ich adnahodki, jakim padabajucca niaśpiešnyja špacyry. Akramia taho, ryzyka śmierci ad sardečna-sasudzistych zachvorvańniaŭ u tych, chto chutka chodzić, była prykładna na 60% nižejšaja za astatnich, pieradaje The Telegraph.
Daśledčyki ŭpeŭnienyja, što pakazalnik chutkaści chadźby moža vykarystoŭvacca navat u kliničnaj praktycy dla dyjahnostyki chvarob serca ci ankałohii. Kali budzie kančatkova dakazana pryčynna-vynikovaja suviaź pamiž chutkaj chadźboj i vynikami daśledavańnia, to chutki špacyr, mahčyma, budzie aficyjna pryznačacca pacyjentam daktarami.
«Uvohule my raim ludziam paskarać svoj temp chadźby, bo heta nie tolki prostaja i vidavočnaja fizičnaja aktyŭnaść, ale i toj faktar, jaki moža pavialičyć vašu praciahłaść žyćcia. Daktaram ža prapanujem pytać u pacyjentaŭ, jak chutka tyja chodziać, bo heta moža stać častkaj novaha padychodu dla praduchileńnia rańniaj śmierci i zachvorvańniaŭ u pacyjentaŭ», — zajaviŭ viadučy aŭtar daśledavańnia i doktar Lesterskaha ŭniviersiteta Džonatan Hołdni.
Čytajcie jašče:
Piać raspaŭsiudžanych pamyłak pry vybary abutku na chałodny siezon
Adkładvańnie budzilnika ranicaj nie škodzić snu i moža palepšyć stan arhanizma — daśledavańnie
-
Tenisistka raskazała, jak adčuvaje siabie paśla insultu ŭ 33 hady
-
U Minsku miedyki zrabili ŭnikalnuju apieracyju: pacyjentu pierasadzili jaho ŭłasnuju kostku razam z sasudami
-
«U nas mizernaja kolkaść tych, chto biare svabodnyja dypłomy». Čynoŭnica Minzdaroŭja prakamientavała admienu płatnaha navučańnia ŭ miedycynskich VNU
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary