U Biełarusi źmiakčyli charčovyja kontrsankcyi suprać susiedziaŭ
Čynoŭniki časova admianili niekalki punktaŭ uviedzienaha raniej charčovaha embarha. Z-pad zabarony vyvieli niekatoryja tavary, vyrablenyja ŭ Litvie, Łatvii i Polščy.
Heta vynikaje z pastanovy, apublikavanaj na Nacyjanalnym pravavym internet-partale, piša vydańnie «Zierkało».
Z-pad zabarony na prodaž u Biełarusi vyvieli piva i sidr ź Litvy i Polščy, uviezienyja ŭ krainu da 1 lipienia 2023 hoda. Pa sutnaści, biełaruskim kampanijam dazvolili raspradavać reštki hetaj pradukcyi.
Bolš šyrokaje pasłableńnie zakranuła tavary z Łatvii. Dazvolena ŭvozić i pradavać u nas kavu, džemy, sadavinu, soki, piva, papieru, niekatoryja budmateryjały i niekatoryja škarpetkava-pančošnyja vyraby, kali jany vyrablenyja ŭ hetaj krainie.
Nahadajem, letam urad padoŭžyŭ dziejańnie charčovaha embarha, uviedzienaha suprać «niedružalubnych» krain. Tady ž čynoŭniki ŭviali zabaronu na ŭvoz ź Litvy i Polščy piva i słabaałkaholnych napojaŭ.
Kontrsankcyi, jakija zabaraniajuć uvoz praduktaŭ charčavańnia z tak zvanych niedružalubnych krain, uviali 1 studzienia 2022 hoda ŭ adkaz na abmiežavańni Zachadu. Paśla hetaha abmiežavańni niekalki razoŭ padaŭžali. Pieršapačatkova pad zabaronaj byli miasa śviežaje, astudžanaje i zamarožanaje bujnoj rahataj žyvioły, śvininy i chatniaj ptuški, subpradukty, tłuščy, kaŭbasy, miasa salonaje, u rasole, sušanaje abo vendžanaje, charčovaja muka ź miasa ci miasnych subpraduktaŭ, małako i małočnaja pradukcyja, harodnina, sadavina i arechi, kandytarskija vyraby, sol.
Čynoŭniki zajaŭlali, što biełarusy nie adčujuć na sabie dziejańnie ŭviedzienaha embarha. Adnak paśla pačatku jaho dziejańnia ceny na pradukcyju stali raści, a asartymient prykmietna zvužaŭsia. U vyniku pastupova niekatoryja pradukty stali vyklučać z čornaha śpisu. Siarod ich — abrykosy, višnia, čarešnia, niektaryny, ślivy, churma.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary