Jon nie zdoleŭ adroźnić jaho ad skrynki z harodninaj.
Supracoŭnik robatatechničnaj kampanii va ŭzroście kala 40 hadoŭ ahladaŭ robata — napiaredadni ŭ jaho zabarachliŭ datčyk, piša Bi-bi-si.
Rabatyzavanaja ruka, pryniaŭšy mužčynu za skryniu z harodninaj, schapiła jaho i prycisnuła da kanviejernaj stužki, razdušyŭšy tvar i hrudzi.
Mužčynu dastavili ŭ balnicu, ale vyratavać nie zmahli.
Niaščasny vypadak adbyŭsia na zavodzie pa sartavańni piercu. Zahinuły praviaraŭ pracu datčykaŭ robata pierad testavym zapuskam, zapłanavanym na 8 listapada. Robat mieŭsia padymać skryni ź piercam i stavić ich na palety.
Pieršapačatkova vyprabavańni byli zapłanavanyja na 6 listapada, ale praz prablemy z datčykam rabatyzavanaj ruki ich daviałosia pieranieści.
Uviečary ŭ sieradu rabotnik kampanii, jakaja vyrabiła rabatyzavanuju ruku, pravodziŭ pravierku mašyny. U hety momant jana i dała zboj.
U zajavie paśla incydentu aficyjny pradstaŭnik ekspartnaha sielskahaspadarčaha kompleksu Donggoseong, jakomu naležyć zavod, zaklikaŭ stvaryć «dakładnuju i biaśpiečnuju» sistemu.
U sakaviku ŭ Paŭdniovaj Karei adbyŭsia padobny incydent: 50-hadovy rabočy zavoda pa vytvorčaści aŭtamabilnych detalaŭ atrymaŭ surjoznyja traŭmy, apynuŭšysia na šlachu rabatyzavanaj ruki.
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary