Mikałaj Mołakaŭ byŭ najstarejšym bajcom u pałku Kalinoŭskaha. Jaho śpiecyjalnaść — vajskovaja raźviedka, jon pryjšoŭ dapamahać abaraniać Ukrainu ŭ jakaści instruktara pa vyžyvańni.
Pra śmierć 71-hadovaha Mikałaja Mołakava paviedamiła pres-słužba pałka Kalinoŭskaha.
«Ź vialikim škadavańniem paviedamlajem ab sychodzie z žyćcia vybitnaj asoby — pałkoŭnika ŭ adstaŭcy, instruktara pałka imia Kastusia Kalinoŭskaha Mołakava Mikałaja Mikałajeviča (1952-2023). Jaho addanaść, mudraść i dośvied zastanucca ŭ našych sercach nazaŭždy. Vykazvajem ščyryja spačuvańni siamji i blizkim», — havorycca ŭ paviedamleńni.
Mikałaj Mołakaŭ byŭ najstarejšym bajcom u pałku Kalinoŭskaha. Jaho śpiecyjalnaść — vajskovaja raźviedka, jon pryjšoŭ dapamahać abaraniać Ukrainu ŭ jakaści instruktara pa vyžyvańni. Raniej rychtavaŭ raźviedčykaŭ i śpiecnaz. Choć sam jon pa pachodžańni ruski, ale byŭ hramadzianinam Ukrainy, a ŭ biełaruskim pałku adčuvaŭ siabie na svaim miescy.
Kali mužčyna paśla pačatku vajny źviarnuŭsia ŭ terabaronu, jamu admovili: «Vam ža vielmi šmat hadoŭ!» Uziali tolki na błokpost, jon prabyŭ tam dva dni i zanudziŭsia, zrazumieŭ, što nie jahonaje. U biełaruskim bataljonie šmathadovuju vyvučku aficera acanili i zaprasili ŭ svaje šerahi.
Kamientary
Eto takoj komplimient ukrainskomu pasportu. Zaniatnyj riejtinh. Na piervom miestie tohda naviernoje pasporta Malty, kak nikak užie podtvierždiennoje členstvo v ES.
Nažal ŭ Biełarusi žyvie vielmi šmat tutejšych prystasavancaŭ, jakija naradzilisia tut, žyvuć tut, majuć biełaruski pašpart, ale heta adnolkavaje, što źviazvaje ich ź Biełaruśsiu. Kali nia daj boža Biełaruś budzie aneksavanaja Rasiejaj - jany adčujuć heta tolki pa źmienie pašpartu, ściahoŭ i hrošaŭ. Bo biełaruščyny dla ich nikoli nie isnavała.