«Škaduju, što nie sustrelisia». Śviatłana Aleksijevič dapuskaje, što pamierły ŭ Hiermanii biełarus moh być jaje rodzičam
«Moža, ja b mahła jamu dapamahčy», — kaža viadomaja piśmieńnica.
48-hadovy Viktar Aleksijevič ź Biełarusi chacieŭ atrymać palityčny prytułak u Hiermanii i znachodziŭsia ŭ łahiery dla biežancaŭ u Cyrndorfie. Pa słovach susieda pa pakoi, ź jakim havaryła «Radyjo Svaboda», Viktar śćviardžaŭ, što jon brat piśmieńnicy Śviatłany Aleksijevič.
Śviatłana Aleksijevič dapuskaje, što Viktar moh być jaje dvajuradnym ci trajuradnym bratam, ale ź im jana nie była znajomaja. Piśmieńnica pryhadała, jak adna žurnalistka havaryła joj pra biełarusa, jaki akazaŭsia va Ukrainie i kazaŭ pra svajackija suviazi ź joju. Śviatłana Alaksandraŭna adpraviła dla jaho list, ale adkazu nie było.
Imia taho mužčyny jana nie pamiataje, tamu nieviadoma, ci heta toj ža Aleksijevič, jaki prasiŭ prytułku ŭ Hiermanii.
Nobieleŭskaja łaŭreatka adznačaje, što na Homielščynie ŭ vioscy Kamarovičy, adkul jaje baćka, mnohija z proźviščam Aleksijevič. Tam šmat jaje rodzičaŭ. U pradzieda było 5 bratoŭ. Byŭšy ŭ Biełarusi, jana pastaviła dziedu pomnik, ale babulinaj mahiły joj nie ŭdałosia znajści. Babula Śviatłany Aleksijevič pamierła ŭ partyzanskim atradzie ad tyfu.
«Nie dumaju, što jon prydumaŭ. Jon sapraŭdy moh być maim dalokim rodzičam, — zaŭvažaje Śviatłana Alaksandraŭna. — Duža škaduju, što my pry žyćci ź im nie znajšlisia. Moža, ja b mahła jamu čym dapamahčy».
Viktar Aleksijevič, mahčyma, nie pieršy raz sprabavaŭ atrymać prytułak u Niamieččynie. U jaho byli prablemy sa zdaroŭjem. Skardziŭsia na prystupy i dvojčy nieprytomnieŭ. Raskazvaŭ, što baicca zamachu na siabie i što jamu pahražali. Achova łahiera dumała, što jon pad narkotykami. Ale Viktar klaŭsia, što ničoha nie prymaŭ. U jaho abšukali ŭsie rečy i ničoha nie znajšli.
Pa słovach susieda, Viktar nie byŭ padobny da narkamana, z usimi kamunikavaŭ adekvatna. U noč na 7 listapada jon straciŭ prytomnaść i jaho zabrali ŭ špital. Udzień achoŭniki skazali, što Viktar pamior.
«Naša Niva» — bastyjon biełaruščyny
PADTRYMAĆHladzicie taksama:
Jak 30 hadoŭ tamu sudzili Śviatłanu Aleksijevič, a ŭ Kupałaŭskim išoŭ śpiektakl pa jaje knizie
Ciapier čytajuć
Poŭny śpis palitviaźniaŭ, vyzvalenych 13 śniežnia7
Kamientary