Ekałahičnaja arhanizacyja Sustainable Earth Eating źviarnułasia da Papy Franciška z zaklikam adnavić u Kaściole abaviazak ustrymańnia ad miasa pa piatnicach.
Kampanija Sustainable Earth Eating («Ustojlivaje pajadańnie Ziamli») vyrašyła źviarnucca da Papy Franciška, bo viadoma, što pantyfik zakłapočany ekałahičnymi prablemami. U 2015 hodzie vyjšła encyklika «Laudato si», u jakoj jon zaklikaje da achovy navakolnaha asiarodździa, piša catholic.by.
«Zhadanaja arhanizacyja vystupaje za ŭstojlivuju vytvorčaść praduktaŭ charčavańnia, i ŭ staŭleńni Papy da ekałohii jana ŭbačyła mahčymaść źmianić charčovyja zvyčki va ŭsim śviecie. Havorka idzie pra post u piatnicu, jaki źjaŭlajecca daŭniaj tradycyjaj kaścioła, pavodle jakoj vierniki ŭstrymlivalisia ad užyvańnia miasa ŭ jakaści formy pakajańnia.
Niahledziačy na toje, što, zhodna z kananičnym pravam, admova ad užyvańnia miasa pa piatnicach nikoli nie admianiałasia, z 1966 hoda miascovyja jepiskapaty mohuć uvodzić pryncyp, pavodle jakoha kožny viernik maje mahčymaść vyznačycca z formaj piatničnaha pakajańnia.
Heta značyć, što ŭ hetyja dni nieabaviazkova admaŭlacca ad užyvańnia miasa. Naprykład, možna admovicca ad užyvańnia kavy, kali čałaviek pje jaje štodzionna.
Pavodle praviedzienych u 2022 hodzie Kembrydžskim univiersitetam daśledavańniaŭ, u Vialikabrytanii tolki 25 pracentaŭ miascovych katolikaŭ ustrymlivałasia ad spažyvańnia miasa pa piatnicach.
Cikava, što ich rašeńnie dazvoliła skaracić vykidy vuhlakisłaha haza na 55 tys. ton u hod.
Arhanizacyja Sustainable Earth Eating źviarnułasia da pantyfika z prośbaj adnavić abaviazak ustrymańnia ad miasa pa piatnicach u kaściole, kab paŭpłyvać na navakolnaje asiarodździe i paspryjać źmienie charčovych zvyčak ludziej va ŭsim śviecie.
«Piatnicami bieź miasa Papa Francišak moža natchnić miljony katolikaŭ i ludziej va ŭsim śviecie pierajści na dyjetu, jakaja budzie bolš łahodnaj dla našaj płaniety», — kaža Džejn DeMaryns, hienieralny dyrektar SEE.
«Viartańnie katalickim kaściołam abaviazku ŭstrymańnia ad miasa pa piatnicach było b mahutnym simvałam adzinstva i vializnym krokam da abarony našaj płaniety. My zaachvočvajem Papu razhledzieć hetuju prapanovu, kali jon rychtujecca pryniać udzieł u štohadovaj klimatyčnaj sustrečy AAN IPCC», — kaža Džejn Demaryns.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES11
Kamientary