Kala 62 miljardaŭ rubloŭ skłaŭ roźničny tavaraabarot u Biełarusi pa vynikach studzienia-kastryčnika hetaha hoda, paviedamlaje «Sputnik».
Hety vynik na 7,6% bolšy, čym za taki ž pieryjad minułaha hoda. Pa vynikach troch kvartałaŭ pakazčyk byŭ 6,7%. Pry hetym u lidaraŭ razdrobnaha handlu ŭ studzieni-kastryčniku rost da letašniaj sumy byŭ 8,1%. Na ich pryjšłosia 58,5 młrd rubloŭ.
Adnadzionny roźničny tavaraabarot na čałavieka z pačatku hoda — 22,1 rubla. Pa vynikach vieraśnia było 22 rubli, to-bok siaredni ček vyras za miesiac na 10 kapiejek. Hod tamu jon byŭ roŭny 20 rublam.
Aptovy tavaraabarot u krainie pa vynikach studzienia-kastryčnika roŭny 131,9 młrd rubloŭ (plus 13,2%). U hramadskim charčavańni — 4,1 młrd rubloŭ, a temp rostu vyšejšy, čym u handli ŭ razdrob — 10,8%.
U pačatku hoda była inšaja karcina. Biełstat paviedamlaŭ, što ŭ studzieni-lutym roźnica ŭpała na 3,5%, a aptovy abarot — na 13,3%. Choć ahulnaje charčavańnie tady vyrasła — plus 6%.
Ciapier u krainie adnaviŭsia popyt i vyraśli dachody nasielnictva. Apošnija pa vynikach troch kvartałaŭ pavialičylisia na 5,8%. Raniej ekśpierty JEABR papiaredžvali, što stanoŭčaja dynamika paskoryć tempy inflacyi, što i adbyłosia ŭ kastryčniku. Kali pa vynikach vieraśnia hadavy temp rostu cen byŭ 2% i dahetul pastupalna źnižaŭsia na praciahu niekalkich miesiacaŭ, to ŭ kastryčniku inflacyja paskoryłasia da 3,7%.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary