Na dziaržTB pakazali schudniełaha manacha, jakoha pieradali Polščy razam z Pačobutam
28 krasavika na biełaruska-polskaj miažy adbyŭsia abmien źniavolenymi «piać na piać». Biełaruś pieradała Polščy žurnalista Andreja Pačobuta, manacha Hžehaža Havieła, Tomaša Biarozu, asudžanaha pa abvinavačańni ŭ špijanažy. Rasija ŭ ramkach abmienu pieradała Małdovie dvuch supracoŭnikaŭ małdaŭskich śpiecsłužbaŭ, zatrymanych u Rasii.
Siarod tych, kaho pieradała Polšča, — asudžany ŭ Małdovie za dziaržaŭnuju zdradu były namieśnik kiraŭnika słužby infarmacyi i biaśpieki Małdovy Alaksandr Bełan, biełarus Uładzisłaŭ Nadziejka, zatrymany ŭ Polščy pa abvinavačańni ŭ špijanažy, rasijski archieołah Alaksandr Buciahin, zatrymanaja ŭ Małdovie hramadzianka Rasii Nina Papova i kazachski vajenny ataše Anuar Bakibaj, jaki pracavaŭ u Kijevie i špijoniŭ na karyść Rasii.
Na STB u niadzielnym siužecie pakazali kadry, jak palitźniavolenym palakam začytvajuć rašeńnie ab ich vyzvaleńni.
Hžehaža Havieła zatrymali 4 vieraśnia 2025 hoda. Havieł mieŭ pry sabie «Rasparadžeńnie ab arhanizacyi padrychtoŭki i ŭdziele ŭ SSV «Zachad-2025». Heta, jak śćviardžałasia na dziarTB, razdrukoŭka na 8 staronkach z hryfam «Sakretna». Hety dakumient jamu nibyta pieradali za niekalki chvilin da zatrymańnia. Asudzić manacha nie paśpieli, jon utrymlivaŭsia u SIZA.
Tomaša Biarozu aryštavali 18 žniŭnia 2022 hoda. Paśla suda jon adbyvaŭ termin u kałonii №22.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki3
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
Kamientary