Piensijaniercy, jakaja spaliła dva aŭtamabili, prysudzili «chatniuju chimiju»
U Homieli ŭ sudzie Čyhunačnaha rajona vynieśli prysud piensijaniercy, jakaja spaliła dva aŭtamabili. Za naŭmysnaje źniščeńnie albo paškodžańnie čužoj majomaści joj pryznačana pakarańnie ŭ vyhladzie abmiežavańnia voli na try hady biez nakiravańnia ŭ papraŭčuju ŭstanovu adkrytaha typu («chatniaja chimija»), a taksama štraf — 348 rubloŭ, piša «Homielskaja praŭda».
Prakuror zapytvaŭ dla žančyny piać hadoŭ abmiežavańnia voli. Na bolš miakki prysud paŭpłyvała toje, što abvinavačanaja sama stała achviaraj machlaroŭ i ździajśniała złačynstva pad ich uździejańniem. Taksama byli ŭličanyja piensijny ŭzrost, adsutnaść sudzimaściaŭ i «stanoŭčaja charaktarystyka ź miesca žycharstva». Da taho ž jana całkam kampiensavała paciarpiełym naniesienuju im škodu.
Pavodle viersii samoj žančyny, joj patelefanavaŭ nibyta supracoŭnik kryminalnaha vyšuku i paviedamiŭ pra niezakonnaje afarmleńnie na jaje imia niekalkich kredytaŭ supracoŭnicaj bujnoha banka. Machlary namovili žančynu ŭziać udzieł u «śpiecapieracyi», u chodzie jakoj jana aformiła ŭ dvuch bankach kredyty na 19 tysiač rubloŭ, a atrymanyja hrošy pieraviała na padadzieny afierystami abaniencki numar. Paśla złamyśniki pierakanali hamialčanku padpisać «sakretnuju damovu», pavodle jakoj jana abaviazvajecca biezumoŭna supracoŭničać sa śledstvam i zachoŭvać usio ŭ tajamnicy, i šantažavali achviaru hetym padroblenym dakumientam. Skončyłasia heta tym, što žančyna pa namovie machlaroŭ padpaliła aŭtamabili «supracoŭnicy banka» i jaje saŭdzielnika-načalnika, jakija nibyta źbiralisia schavacca za miažoj. U vyniku piensijanierka źniščyła dva aŭtamabili, Nissan Terrano i Hyundai IX 35, ahulnym koštam 21 703 rubli.
Byŭ Elkind, staŭ Skitaŭ. Historyja dyrektara «Babuškinaj krynki» i zakuliśsie impieryi kiraŭnictva spraŭ Łukašenki
Žyvuć na adnu piensiju, sutykajucca z ašukancami, usim zadavoleny: vyniki apytańnia biełaruskich piensijanieraŭ
80-hadovaja žančyna ledź nie pradała kvateru dla miesiendžarnych afierystaŭ. Ale ryełtary svoječasova adumalisia
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova5
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary