U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy
U dziaŭčyny vyjavili puchlinu jaječnika, i lekary pryniali rašeńnie vydalić hety orhan, adnak padčas apieracyi hiniekołah samavolna vyrašyŭ pašyryć abjom umiašańnia i vydaliŭ joj usiu matku bieź jakoj-niebudź nieabchodnaści.
Polskamu hiniekołahu, prafiesaru Daryjušu S., moža pahražać surovaje pakarańnie za toje, što padčas apieracyi jon pazbaviŭ maładuju dziaŭčynu mahčymaści mieć dziaciej. Pra hety žachlivy vypadak piša vydańnie The Warsaw sa spasyłkaj na Gazeta Wyborcza.
U 2024 hodzie biełaruska Viktoryja źviarnułasia ŭ adnu z balnic Poznani z bolami ŭ žyvacie. UHD vyjaviła puchlinu jaječnika, i lekary pryniali rašeńnie vydalić hety orhan. Adnak padčas apieracyi, nie čakajučy vynikaŭ histapatałahičnaha daśledavańnia, hiniekołah samavolna vyrašyŭ pašyryć abjom umiašańnia. Jon vydaliŭ dziaŭčynie druhi jaječnik, matačnyja truby i matku, nazaŭždy pazbaviŭšy jaje zdolnaści da dzietaradžeńnia.
Paźniej vyśvietliłasia, što puchlina mieła nizkuju stupień złajakasnaści, i radykalnaja apieracyja nie była nieabchodnaj — šancy na vyžyvańnie pacyjentki byli blizkija da 100% navat biez vydaleńnia ŭsich orhanaŭ.
Prakuratura Poznani śćviardžaje, što lekar dziejničaŭ biez uśviadomlenaj zhody pacyjentki i parušyŭ miedycynskija pracedury. Bolš za toje, u dakumientach byli znojdzienyja niedakładnyja źviestki pra chod apieracyi, a pra toje, što adbyłosia nasamreč, dziaŭčyna daviedałasia tolki praz čatyry dni.
Nacyjanalny kansultant pa ankahiniekałohii nazvaŭ dziejańni kalehi nieprafiesijnymi, a inšyja miedyki ŭ kamientarach vydańniu vykazalisia jašče bolš žorstka: «Jon vypatrašyŭ jaje, jak miaśnik».
Lekar svajoj viny nie pryznaje. Jamu pahražaje da 20 hadoŭ pazbaŭleńnia voli.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy6
Kamientary
Pasadziać kanavała ? 🤡
Nie śmiašycia maich kurej ! 😊