Zialenski raskazaŭ, kolki rakiet, KABaŭ i bieśpiłotnikaŭ zapuściła RF za zimu
«Niahledziačy ni na što, ukraincy prajšli hetuju składanuju zimu».
«Ukraincy žyvuć pad tysiačami rasijskich udaraŭ roznymi typami zbroi. Tolki za apošni tydzień zimy bolš za 1720 udarnych dronaŭ, amal 1300 kiravanych avijacyjnych bombaŭ i bolš čym 100 rakiet roznych typaŭ užyła Rasija suprać Ukrainy.
Ale, niahledziačy ni na što, ukraincy prajšli hetuju składanuju zimu, kali Rasija navat nie sprabavała znajści apraŭdańnie svaim źviarynym udaram pa hramadzianskaj krytyčnaj infrastruktury.
Za try miesiacy zimy bolš za 14 670 KABaŭ, 738 rakiet i amal 19 tysiač udarnych dronaŭ, ź jakich bolšaść — heta rasijska-iranskija «šachiedy», rasijanie vypuścili suprać našych ludziej», — napisaŭ prezident Ukrainy Uładzimir Zialenski.
«Złu treba supraćstajać u luboj častcy śvietu. Kali ŭ Złučanych Štataŭ i partnioraŭ budzie dastatkova rašučaści, navat samyja kryvavyja dyktatary ŭ rešcie rešt zapłaciać za svaje złačynstvy. Ja dziakuju ŭsim, chto dapamahaje Ukrainie abaraniacca i ratavać žyćci», — napisaŭ jon.
-
Syrski ličyć, što rasijanie buduć nastupać na Čarnihaŭščynu z Branskaj vobłaści. A voś ź Biełarusi — naŭrad ci
-
Vialikaja hrupa ŭkrainskich dronaŭ zalacieła ŭ Rasiju praź Biełaruś
-
Syrski: U Biełarusi znoŭ fiksavali pracu adnaho z retranślataraŭ. Bolš jany ich uklučać nie buduć, uśviadomiać, što tak nie treba
Kamientary