Adkryty pieradzakaz na «Bractva piarścionkaŭ» Tołkina pa-biełarusku
19 śniežnia ŭ prodaž pastupić novaje, licenzavanaje biełaruskamoŭnaje vydańnie «Bractva piarścionkaŭ» — pieršaj knihi znakamitaj tryłohii «Vaładar piarścionkaŭ» Džona R. R. Tołkina, paviedamlaje vydaviectva «Januškievič».
Novy pierakład na biełaruskuju movu — vynik dvuchhadovaj pracy paeta i pierakładčyka Ihara Kulikova. Vokładku i mastackaje afarmleńnie zrabiła Nastaśsia Paźniak.
Na sajcie anłajn-kniharni knihauka.com možna aformić papiaredni zakaz na knihu z paštovaj i kurjerskaj dastaŭkaj u niekatoryja jeŭrapiejskija krainy, u tym liku i ŭ Biełaruś. Košt — 69,90 złotych. U zvyčajnym prodažy kniha budzie kaštavać prykładna na 20% daražej.
Vydaŭcy prosiać pry afarmleńni papiaredniaha zakazu nie kłaści ŭ košyk inšyja knihi, bo ŭ takim vypadku jany pryjduć da vas nie raniej za 18 śniežnia 2023 hoda. Lepiej zrabicie jašče adzin zakaz.
Start prodažaŭ adbudziecca ŭ Varšavie 19 śniežnia 2023 hoda. Miesca prodažaŭ — Biełaruski moładzievy chab (ul. Dożynkowa 6a). Pačatak ab 11-j hadzinie.
Kniha budzie mieć ćviorduju vokładku, farmat 140ch205 mm, 572 staronki, ź lase (tkanievaj zakładkaj) i załatym chot-stampinham na vokładcy. U knihu ŭklučanyja karty «Častka Vołaści» i «Zachad Sieradziemja ŭ kancy Treciaj epochi», a taksama «Pradmova da druhoha anhlijskaha vydańnia» i «Tłumačeńnie niekatorych imion i nazvaŭ».
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii16
Kamientary