Štrafam za «ekstremizm» pakarali jašče adnaho miorskaha miedyka
Sudździa suda Miorskaha rajona Iryna Jaskievič 22 listapada za padpisku ŭ sacyjalnych sietkach na «ekstremiscki» infarmacyjny resurs pakarała štrafam u pamiery 740 rubloŭ rabotnicu miorskaj balnicy Valancinu Razvadoŭskuju, piša «Viciebskaja viasna».
U sudzie stała viadoma, što Valancina ŭ svaim asabistym profili ŭ instahramie «raźmiaściła i zachoŭvała z metaj raspaŭsiudžvańnia publikacyi ź infaresursu «Lusterka». Jak i pieravažnaja bolšaść inšych niezaležnych ŚMI, «Lusterka» pryznana režymam Łukašenki nośbitam «ekstremisckaj» infarmacyi.
Na sudovym pasiadžeńni žančyna vinu pryznała i «pakajałasia» ŭ zroblenym. Uličvajučy ž toje, što «parušalnica» maje na ŭtrymańni niepaŭnaletniuju dačku, sudździa Jaskievič na padstavie č. 2 art. 19.11 KaAP pakarała Razvadoŭskuju štrafam u pamiery dvaccaci bazavych vieličyniaŭ, što składaje 740 rubloŭ.
Raniej stała viadoma, što takoje ž pakarańnie pa tym ža abvinavačańni ad toj samaj sudździ ŭ toj samy dzień atrymała kaleha Razvadoŭskaj Alena Šuk.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary