U Šumilinie spynili administracyjnuju spravu za «niesankcyjanavanaje pikietavańnie»
Staršynia suda Šumilinskaha rajona Ina Hrabaŭskaja 11 listapada spyniła administracyjnuju spravu ŭ dačynieńni da žychara Viciebska Andreja Prystaŭki, jakomu stavili ŭ vinu praviadzieńnie «niesankcyjanavanaha pikieta ŭ internecie», piša «Viciebskaja viasna».
Zhodna z pratakołam ab administracyjnym pravaparušeńni, rabotnikami RAUS było ŭstanoŭlena, što mužčyna ŭ svaim akaŭncie na fejsbuku raźmiaściŭ publikacyju, źviazanuju z hramadska-palityčnym žyćciom, u jakoj była jaho fatahrafija z vyjavaj BČB-ściaha.
Hety fakt milicyjanty rascanili jak «pikietavańnie biez adpaviednaha dazvołu vykanaŭčych i rasparadčych orhanaŭ».
U biełaruskich umovach sudy zvyčajna prosta štampujuć abvinavaŭčyja prysudy pa takich spravach, nie raźbirajučysia ŭ detalach i nie zvažajučy na patrabavańni zakonaŭ. Ale ŭ hetym vypadku čamuści adbyŭsia niejki zboj: sudździa paličyła, što dvuchmiesiačny termin dla pakarańnia mužčyny skončyŭsia, a tamu nie stała jaho karać.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary