«Stała jasna, što dvuch tydniaŭ było niedastatkova». Finlandyja znoŭ całkam zakryvaje ŭsie prapusknyja punkty na miažy z Rasijaj
Ministarka ŭnutranych spraŭ Finlandyi Mary Rantanien raskazała na pres-kanfierencyi, što ŭsia miaža Finlandyi z Rasijaj budzie zakrytaja da 14 studzienia 2024 hoda. Zakryjucca punkty propusku na finskaj uschodniaj miažy 15 śniežnia ŭ 20:00, paviedamlaje Yle.fi.
Pierad hetym dva pamiežnyja punkty adkrylisia ŭ aŭtorak, 12 śniežnia. Rašeńnie ab ich adkryćci było pryniata dla taho, kab pravieryć, ci praciahnuć na miažu prybyvać novyja mihranty biez naležnych dakumientaŭ. Vyjaviłasia, što pryncypova ničoha nie źmianiłasia.
«Stała jasna, što dvuch tydniaŭ zakrytaha režymu było niedastatkova, — skazała Rantanien. — Vidavočna, što źjava niezakonnaha ŭjezdu adbyvajecca pad upłyvam inšaj dziaržavy i źviazana sa złačynnaściu».
Pa słovach Rantanien, situacyja narmalizujecca tolki tady, kali spynicca płyń ludziej, jakija sprabujuć niezakonna praniknuć u krainu.
Zakryć pamiežnyja punkty, jakija tolki-tolki adkrylisia, urad paprasiła Pamiežnaja słužba. Pryčynaj hetaha stała toje, što 14 śniežnia ŭ punkty pierasiačeńnia miažy prybyŭ ahułam jak minimum 91 prośbit prytułku, zbolšaha mužčyny.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary