Sabaka ŭ Homieli dapamoh chłopcu zrabić prapanovu dziaŭčynie
Videa źjaviłasia ŭ asabistym akaŭncie sabaki ŭ tyktoku. I ŭ jaho 8 tysiač padpisčykaŭ i 166 tysiač łajkaŭ u sacsietcy.
Pryt — dvuchhadovy sabaka parody bordar-koli. Jon umieje vykonvać truki, pakazvać šou i azartna hulać z fryśbi. Mienavita dziakujučy dobra vyvučanym kamandam jaho i paklikali paŭdzielničać u takoj kranalnaj padziei, piša Onliner.by.
Małady čałaviek vyvučyŭ śpiecyjalny žest, ubačyŭšy jaki, sabaka i adnios jamu skrynačku.
— A Pryt prynios piarścionak? — udakładniajuć u kamientarach.
— Nie tolki ž siabie lubimaha! Prynios, viadoma — z humaram adkazvaje haspadynia sabaki.
Rejtynh samych razumnych sabak skłali jašče ŭ siaredzinie 90-ch, i jon dahetul nie straciŭ svajoj aktualnaści. Bordar-koli stabilna zajmaje ŭ im pieršaje miesca. U hetaj parody vokamhniennaja chutkaść reakcyj, vysoki intelekt i matyvacyja na pastajannuju pracu.
«Razumnička!», «Top», «Pryt najlepšy»», «sabaka razumnik, vielmi dobra» — pakidajuć kamientary pad videa padpisčyki.
Na žal, minaki pieraškodzili dobra źniać sam momant pieradačy piarścionka. Ale ništo nie sapsavała asablivuju padzieju dla pary.
Małady čałaviek uklenčyŭ, adkryŭ skrynačku i padaryŭ kachanaj kvietki. A sabaka, jaki vykanaŭ svaju misiju, viarnuŭsia da haspadyni.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć11
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary