Ralf Šumachier pra vypadak ź Michaelem: Ja vielmi sumuju pa bracie tych časoŭ
Roŭna dziesiać hadoŭ tamu Michael Šumachier atrymaŭ surjoznyja traŭmy padčas katańnia na łyžach na kurorcie ŭ francuzskich Alpach. U intervju Bild Ralf raskazaŭ pra starejšaha brata.
«Toje, što adbyłosia tady, źmianiła našu siamju. Heta vielmi ciažki dośvied dla ŭsich nas, dla mianie, dla jaho dziaciej, bo Mik (syn Michaela) taksama tady kataŭsia razam ź im. Na žal, žyćcio nie zaŭsiody spraviadlivaja, i ŭ hetaj situacyi Michaelu vielmi nie pašancavała.
Michael nie tolki moj brat. U maładości jon byŭ maim trenieram i nastaŭnikam. Jon navučyŭ mianie ŭsiamu, što tyčycca kartynhu. Pamiž nami siem hadoŭ roźnicy, ale tady jon zaŭsiody byŭ pobač. My razam katalisia na kartach, adpracoŭvali abhony, usie tyja rečy, jakija važnyja ŭ aŭtasporcie. Ja atrymaŭ važny dośvied, jaki potym vykarystaŭ u honkach. Ja mieŭ mahčymaść vučycca ŭ najlepšaha.
Pa sutnaści, my vyraśli na žvirovym karjery pobač z kartynhavaj trasaj u Kierpienie. Kali našy baćki kupili dom, my spačatku žyli ŭ adnym pakoi i spali na matracy na padłozie — u nas nie było hrošaj na łožak. A zatym Michael trapiŭ u maładziožnuju prahramu Mercedes. Navat ciapier nie vierycca ŭ toje, što atrymałasia ŭ vyniku.
Ja sumuju pa Michaelu tych hadoŭ. Žyćcio časam niespraviadlivaje. Jamu šmat razoŭ u žyćci šancavała, ale potym adbyłasia hetaja trahiedyja. Na ščaście, sučasnaja miedycyna dazvoliła zrabić niekatoryja rečy, ale jak raniej užo nikoli nie budzie», — pierakazvaje słovy Ralfa F1news.
Michael Šumachier byŭ adnym z najvialikšych honščykaŭ Formuły-1, jaje siamirazovym čempijonam. Stolki ž tytułaŭ u Ljuisa Chemiłtana, ale mienavita zvyčajnych amataraŭ chutkaści nazyvajuć «šumachierami».
10 hadoŭ tamu, 29 śniežnia 2013 hoda, Michael Šumachier z synam i jaho siabrami kataŭsia na harnałyžnaj trasie kurorta Mierybiel u francuzskich Alpach. Jon vyjechaŭ za miežy trasy i kala 20 mietraŭ prajechaŭ pa niepadrychtavanym schile, spatyknuŭsia ab kamień i ŭdaryŭsia hałavoj ab vystup skały. Ad udaru šlem, u jakim byŭ Michael, raskałoŭsia. Jon byŭ dastaŭleny viertalotam u balnicu ŭ Mućje, paśla čaho byŭ pieraviezieny ŭ kliniku ŭ Hrenobli. Daktary vyratavali žyćcio honščyka, ale z taho času žonka Šumachiera nie pakazvaje muža i nie publikuje fota i videa.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary