Sud Sieńnienskaha rajona vynies abvinavaŭčy prysud 41-hadovamu žycharu Viciebska pa spravie ab hibieli dźviuch dziaŭčynak na voziery Levanova. Jamu pryznačana pakarańnie ŭ vyhladzie abmiežavańnia voli na termin 4 hady biez nakiravańnia ŭ papraŭčuju ŭstanovu adkrytaha typu, paviedamili ŭ Hienieralnaj prakuratury.
Niaščasny vypadak adbyŭsia 26 žniŭnia hetaha hoda. Mužčyna sa svajoj siamjoj i siabrami adpačyvaŭ na bierazie voziera. Jon byŭ niećviarozy. Abvinavačany abraŭ u jakaści płavalnaha srodku nadzimany matrac, na jakim ź jaho zhody raźmiaścilisia dźvie dački jahonych siabroŭ (dziaŭčynki 2014 i 2017 hadoŭ naradžeńnia), a taksama jahony syn 2014 hoda naradžeńnia. Dzieci nie mieli srodkaŭ vyratavańnia i nie vałodali dastatkovymi navykami płavańnia.
«Šturchajučy pierad saboj adznačany matrac ź dziećmi, jakija siadzieli na im, abvinavačany pieramiaściŭ jaho ad bieraha bolš jak na 110 mietraŭ, dzie hłybinia vadajoma składała 3,2 mietra. Praź niekatory čas matrac pierakuliŭsia i dzieci apynulisia ŭ vadzie», — raskazali ŭ prakuratury.
U vyniku dźvie dziaŭčynki patanuli. A mužčyna abvinavačvaŭsia ŭ pryčynieńni śmierci pa nieaściarožnaści.
Piensijanier patanuŭ u mielijaracyjnym kanale ŭ Drahičynskim rajonie
Źjaviŭsia vuścišny rolik pra niebiaśpieku vychadu rybakoŭ na lod. U kadry — čornaja śmierć ź ledasiekam
Pieršaja achviara tonkaha lodu. U Bychaŭskim rajonie mužčyna pravaliŭsia pad lod i patanuŭ
11-miesiačnaja dziaŭčynka ledź nie patanuła ŭ vańnie
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary