U Francyi samy małady premjer u historyi. Im staŭ 34-hadovy adkryty hiej
Habryel Atal, jakoha nazyvajuć vunderkindam francuzskaj palityki, raniej zajmaŭ pasadu ministra adukacyi.
Paśla adstaŭki niepapularnaj Elizabet Born prezident Francyi Emaniuel Makron pryznačyŭ novaha premjer-ministra.
Im staŭ 34-hadovy Habryel Atal, jaki dahetul pracavaŭ ministram adukacyi, a da taho — ministram biudžetu, dziaržaŭnych rachunkaŭ i hramadzianskaj administracyi, a jašče pierad tym — presavym sakratarom urada.
Atal staŭ samym maładym kiraŭnikom Kabinieta ministraŭ u historyi Francyi.
Atal — adkryty hiej. Ën žyŭ u hramadzianskim sajuzie z deputatam ad uradavaj partyi. Ën nietypovy dla francuzskaha palityka i svaim pachodžańniem: jahony tata — vychadziec z tuniskich habrejaŭ, a mama — pravasłaŭnaja, karaniami z adeskich hrekaŭ.
Atal maje reputacyju dobraha kamunikatara i čałavieka levalibieralnych pohladaŭ. U toj ža čas jahony dośvied kiravańnia nievialiki: na pasadzie ministra adukacyi jon pravioŭ usiaho paŭhoda.
Kamientary