Pastaŭki kurynych jajek ź Biełarusi ŭ Rasiju z pačatku hoda pavialičylisia ŭdvaja i skłali 11,7 miljona štuk, paviedamiła pres-słužba Raśsielhasnahladu. Takuju kolkaść kurynych jajek Biełaruś pradała ŭ Rasijskuju Fiederacyju ŭ pieršaj dekadzie studzienia.
«Za pieryjad z 1 pa 9 studzienia 2024 hoda pastaŭlena 11,7 miljona štuk kurynych charčovych jajek. U paraŭnańni z anałahičnym pieryjadam 2023 hoda adznačajecca pavieličeńnie amal udvaja», — paviedamili va ŭstanovie.
Tam taksama adznačyli, što Biełaruś stabilna pastaŭlaje charčovyja jajki ŭ Rasieju: siaredniehadavy abjom składaje bolš za 630 miljonaŭ štuk. U 2023 hodzie ŭ Rasiju było ŭvieziena bolš za 510,8 miljona biełaruskich kurynych jajek.
Naprykancy minułaha hoda stała viadoma, što ŭ Rasii skłałasia situacyja z vostrym deficytam na rynku kurynych jajek. Heta na svajoj pres-kanfierencyi 14 śniežnia pryznaŭ navat rasijski prezident Uładzimir Pucin. Biełaruskija ŭłady abiacali z zabieśpiačeńniem rasijskaha rynku jajkami dapamahčy biez strataŭ dla ŭnutranych patreb. Pavodle słoŭ ministra sielskaj haspadarki Siarhieja Bartaša, u Biełarusi za miesiac vyrablajecca jajek na 50% bolš, čym spažyvaje nasielnictva.
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno18
Kamientary