Dom, ź jakoha rasijskija hastralory sprabavali skraści miljony dalaraŭ, naležyć byłomu vykanaŭčamu dyrektaru Biełarusbanka
U minskich Navinkach sa stralaninaj zatrymali złačyncaŭ, jakija spadziavalisia skraści z pryvatnaha katedža ad 1,5 da 5 miljona dalaraŭ. «Biełsat» vyśvietliŭ pa kadrach MUS, pra jaki dom viadziecca havorka, a Belpol raskazaŭ, chto žyvie ŭ hetym domie.
Ministerstva ŭnutranych spraŭ Biełarusi paviedamiła pra zatrymańnie sa stralaninaj hrupy złodziejaŭ, jakija 27 lipienia sprabavali abakraści katedž u Centralnym rajonie Minsku.
Adzin z zatrymanych skazaŭ na videa Ministerstva ŭnutranych spraŭ, što skraści źbiralisia ad 1,5 da 5 miljona dalaraŭ.
Dzie mienavita heta adbyłosia, nie paviedamlali. Ale na kadrach siłavikoŭ vidać špil skandalnaha Śviata-Jelizaviecinskaha manastyra i budynki na vulicy Jaraševickaj u rajonie Navinki. Z kadraŭ siłavikoŭ možna vyznačyć kankretny dom.
Pra apieracyju raspavioŭ Uładzimir Kubrakoŭ — namieśnik načalnika Centralnaha RUUS Minsku, syn ministra ŭnutranych spraŭ Ivana Kubrakova. Jon staić na fonie budynka z paznavalnymi rysami.
Fon za jahonaj śpinaj razmyty, ale vulicu i numar doma mahčyma pračytać. Pakazvali taksama elektronny zamok i płot doma — na panaramie «Jandeks Kartaŭ» bačna, što taki zamok na tym samym domie za śpinaj syna ministra. Pakazali i haraž taho doma, u jakim staić šery BMW.
Budynki na hetaj vulicy nie fihuravali ŭ rasśledavańniach ab karupcyi i nieruchomaści čynoŭnikaŭ. «Biełsat» spytaŭ arhanizacyju Belpol, chto žyvie ŭ domie.
Pavodle źviestak, dasiažnych Belpol, u domie zarehistravanyja piać čałaviek z adnolkavym proźviščam: darosłyja Uładzimir i Julija Miacielskija, a taksama try chłopcy — imavierna, ichnyja dzieci (dva pa baćku Uładzimiravičy, u starejšaha 19‑hadovaha imia pa baćku nie supadaje ź imiem pa baćku inšych dziaciej i samoha Uładzimira).
50‑hadovy Uładzimir Miacielski prynamsi z 2016 hoda pracavaŭ u Biełarusbanku vykanaŭčym dyrektaram, vystupaŭ u miedyja ad imia banku. Na momant publikacyi jon nie značycca ŭ liku kiraŭnictva banku.
Zatoje ŭ rasijskaj bankaŭskaj sistemie źjaviŭsia Uładzimir Miacielski — dyrektar departamienta raźvićcia biznesu ź mižnarodnymi klijentami Promśviaźbanka, adkazny za Biełaruś i Uźbiekistan.
40‑hadovaja Julija Miacielskaja da 2019 hoda pracavała ŭ TAA «Emiersis Trejd», paśla značycca biespracoŭnaj.
Čamu ŭ siejfie hetaha doma spadziavalisia znajści miljony dalaraŭ, nieviadoma.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Spokojnaja žizń minskich činovnikov - millionierov zakončiłaś navsiehda.