Sud u Omsku adchiliŭ skarhu na aryšt abvinavačanaha ŭ teraktach biełarusa
Omski abłasny sud adchiliŭ skarhu na aryšt 52-hadovaha hramadzianina Biełarusi Siarhieja Jeramiejeva, jaki abvinavačvajecca ŭ padryvie dvuch ciahnikoŭ na Bajkała-Amurskaj mahistrali (BAM) u Buracii, paviedamiła abjadnanaja pres-słužba sudoŭ Omskaj vobłaści (Rasieja).
Jeramiejeŭ abvinavačvajecca pavodle č. 2 art. 205 Kryminalnaha kodeksa RF (terarystyčny akt). U jakaści miery strymańnia jamu abrana ŭtrymańnie pad vartaj da 30 studzienia.
U vyniku padryvaŭ 29 i 30 listapada dvuch čyhunačnych sastavaŭ z naftapraduktami, jakija ruchalisia z Tajšeta da stancyj Tynda i Nierunhry pa Bajkała-Amurskaj mahistrali, adbyłosia ŭzharańnie cysternaŭ z haruča-zmazačnymi materyjałami, što časova błakavała ruch pa mahistrali.
7 śniežnia FSB paviedamiła pra zatrymańnie ŭ Omsku biełarusa Siarhieja Jeramiejeva, jaki, pa śćviardžeńni siłavikoŭ, «daŭ pryznalnyja pakazańni ab pracy pad kantrolem ukrainskich śpiecsłužbaŭ» i pryznaŭ vinu.
Siarhiej Jeramiejeŭ — były supracoŭnik navapołackaha pradpryjemstva «Naftan», udzielnik strajku na im u 2020 hodzie. Pracavaŭ prybarystam kantrolna-vymiaralnych pryboraŭ i aŭtamatyki.
U Navapołacku praciahvajucca zatrymańni, padčas jakich ludziej apytvajuć pra Siarhieja Jeramiejeva i praviarajuć na palihrafie
U Połacku adbylisia zatrymańni z nahody dyviersii ŭ rasijskim tuneli, u jakoj abvinavačvajuć biełarusa
Zatrymany za dyviersiju ŭ rasijskim tuneli biełarus — šmatdzietny baćka, jaki nie zmaŭčaŭ u 2020-m
Sud u Omsku aryštavaŭ na 53 dni biełarusa, jakoha abvinavačvajuć u terakcie na BAMie
«Heta mahnitnyja miny». Što raspavioŭ biełarus, zatrymany ŭ Rasii pa spravie terakta na BAMie
Kamientary