Ci možna atrymać paśviedčańnie kiroŭcy biez vučoby ŭ aŭtaškole? Voś što adkazali ŭ DAI
Ci možna samastojna padrychtavacca da zdačy tearetyčnaha i praktyčnaha ispytaŭ u DAI, kab atrymać paśviedčańnie kiroŭcy? Akazvajecca, možna, ale jo ŭmovy, raskazali ŭ Lidskaj DAI kanału ANT.
Dla pačatku treba źviarnucca ŭ MREA DAI pa miescy žycharstva i pradstavić važkija dokazy abstavinaŭ, čamu čałaviek nie maje mahčymaści chadzić na zaniatki ŭ aŭtaškołu.
— Takimi pryčynami mohuć być poŭnaja zaniataść na pracy, dohlad za asobaj, jakaja maje patrebu ŭ pastajannaj starońniaj dapamohi, i inšyja. Pytańnie ab dopusku da tearetyčnaha i praktyčnaha ispytu na prava kiravańnia budzie razhladacca načalnikam DAI, — rastłumačyŭ Siarhiej Kušel, inśpiektar DPS ADAI Lidskaha RAUS.
Da zajavy treba prykłaści daviedku ab stanie zdaroŭja i pašpart.
Hramadzianie, jakija samastojna rychtavalisia da ispytaŭ i pry hetym trojčy nie zdali tearetyčnuju ci praktyčnuju častku, u dalejšym buduć dapuščanyja da ispytaŭ u DAI tolki paśla vučoby pa adpaviednych prahramach padrychtoŭki vadzicielaŭ transpartnych srodkaŭ.
U Lidzie, pavodle źviestak Dziaržaŭtainśpiekcyi, za apošnija 20 hadoŭ było atrymana ŭsiaho adno vadzicielskaje paśviedčańnie biez vučoby ŭ aŭtaškole.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było44
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było4
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary
žonkaj hałoŭnaha daišnika rajona?