Jak minimum 84 čałavieki siońnia trapili pad pieraśled — «Viasna»
Padčas siońniašniaha masavaha chapuna tym ci inšym čynam paciarpieli ad pieraśledu jak minimum 84 čałavieki, paviedamlaje pravaabarončy centr «Viasna». Častku ź ich zatrymali, a ŭ niekatorych tolki praviali pieratrus i adpuścili. Viadoma, što siłaviki biaruć u ludziej padpiski ab nierazhałošvańni.
Jak paviedamlałasia raniej, u pastanovach supracoŭnikaŭ KDB fihurujuć artykuły za «finansavańnie ekstremisckaj dziejnaści» i «ŭdzieł u ekstremisckich farmavańniach».
Niekatorym supracoŭniki KDB kazali, što zatrymańni i pieratrusy nibyta źviazanyja z prajektam INeedHelpBY, pryznanym «ekstremisckim farmavańniem».
Siarod tych, pra čyje zatrymańni stała viadoma siońnia — žonka palitviaźnia Mikałaja Statkieviča Maryna Adamovič, viciebski aktyvist Barys Chamajda, były palitviazień z Homiela Alaksiej Ramanaŭ. Viadoma, što pieratrus pravodziŭsia ŭ maci pradstaŭnicy inicyjatyvy DissidentBY Maryny Kasinieravaj.
Kamientary