Što staić za siońniašnim chapunom i masavymi vobšukami
23 studzienia siłaviki zatrymali pa ŭsioj krainie nie mienš za 37 svajakoŭ palitviaźniaŭ i byłych palitviaźniaŭ, praviali šmat vobšukaŭ. Pradstaŭnica pravaabarončaj inicyjatyvy Dissidentby Maryna Kasinierava ličyć: sistema sprabuje spynić usiu salidarnaść i dapamohu.
U kamientary dla «Našaj Nivy» Kasinierava zhadała padziei kanca 2023-ha, kali ź nieviadomych pryčyn viaźniaŭ etapavali z adnoj kałonii ŭ inšuju. Adznačym, što kožny etap — dadatkovy stres dla źniavolenaha. Maryna padkreślivaje, što taja padzieja zakranuła nie tolki palitviaźniaŭ, i raniej takoha nie było. Tamu pravaabaronca razhladaje toj pieravod jak častku ŭsieahulnaha cisku na źniavolenych abo vynik administracyjnych źmienaŭ unutry sistemy.
Datyčna siońniašnich vobšukaŭ i aryštaŭ, ataki akaŭntaŭ biełaruskich inicyjatyŭ napiaredadni Maryna ličyć: «Vidavočna, što sistema sprabuje spynić usiu salidarnaść i dapamohu. Nie sakret, što ŭ turmach i kałonijach presujuć viaźniaŭ za padtrymku z voli ad inšych ludiej, presujuć tych, chto akazvaje padtrymku — praviarajuć telefony, šukajuć dokazy finansavańnia. Tamu zakanamierna, što pryjšli i da svajakoŭ».
Kasinierava ŭdakładniaje, što inicyjatyvie Dissidentby viadoma pra try raniejšyja vypadki zatrymańniaŭ za pieravod hrošaj na atavarku viaźniaŭ. U dačynieńni da dvuch ludziej vytvorčaść spynili, adna žančyna znachodzicca ŭ SIZA.
Kožnamu, nahadvaje pravaabaronca, varta kłapacicca pra ŭłasnuju biaśpieku ŭ internecie i rabić usio mahčymaje, kab nie pakidać śladoŭ: «Dla inicyjatyvaŭ i arhanizacyjaŭ heta taksama vyklik, prychodzicca być hnutkimi i zaŭsiody ŭdaskanalvać svaje miechanizmy. Čym bolš decentralizavanaja sistema dapamohi, tym składaniej jaje parušyć».
Čytajcie taksama:
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
My nie zabudziem, jak by vy nie staralisia, i vy adkažacie pierad miljonami - nikudy my nie źjechali i nie źjedziem, usich nie pasadiźcie i nie zapužajecie.
Vy možacie zamazvać abliččy ludziej, vykładać fota płoščy źvierchu. A nie vykładać dla Hubazika fota, dy jašče z podpisam jaho nika, jak u toj knizie.
Majcie Soviesť. Nie padstaŭlajcie ludziej!!!
Pra biaśpieku pavinny dbać nie tolki sami ludzi kožny sam za svaju, ale i ŭsie, chto suprać režymu - pra biaśpieku kožnaha. Svaich ludziej treba bierahčy, a nie padstaŭlać.