U ramkach masavaha chapunu svajakoŭ palitviaźniaŭ i byłych palitźniavolenych zatrymali jak minimum 37 čałaviek
Zatrymańni adbyvajucca pa ŭsioj krainie — siarod ich i byłyja palitviaźni, jakija vyjšli na volu, ale zastavalisia ŭ Biełarusi.
U pastanovach supracoŭnikaŭ KDB, jakija prychodziać da ludziej, fihurujuć artykuły za «finansavańnie ekstremisckaj dziejnaści» i «ŭdzieł u ekstremisckich farmavańniach», piša «Viasna».
Pavodle infarmacyi «Lusterka», siońnia ranicaj siłaviki pryjšli da znajomaj adnaho z čytačoŭ.
Žančyna — žonka palitviaźnia. Jaje telefon niedastupny. Surazmoŭca nie viedaje, pradstaŭnikami jakoha viedamstva źjaŭlajucca niaprošanyja hości.
Pavodle jaho źviestak, «vizit» źviazany z tym, što žančyna była ŭ zakrytym čacie, dzie kantaktujuć blizkija palitviaźniaŭ i byłyja palitviaźni.
— Tam jany abmiarkoŭvajuć bytavyja pytańni, što ŭ pieradaču pakłaści, jakuju vopratku možna, — koratka kaža surazmoŭca. — Mnie skazali, što pryjšli da mnohich z hetaha čata. Asabliva cikavilisia tymi, chto, mabyć, u čacie pisaŭ pra dapamohu «Bajsoła».
Pra anałahičnuju situacyju paviedamili i rodnyja jašče adnaho z palitviaźniaŭ. Da baćkoŭ mužčyny siońnia ranicaj taksama pryjšli siłaviki. Cikavilisia «dapamohaj z-za miažy». Što mienavita heta za dapamoha, surazmoŭca nie viedaje. Ci znachodzilisia hetyja ludzi ŭ tym ža čacie, što i znajomaja krynicy «Lusterka», nieviadoma.
Pavodle infarmacyi Andreja Stryžaka, siarod zatrymanych byłyja palitviaźni i ich svajaki.
Pravaabaroncy paviedamlajuć, što ŭ pastanovach siłavikoŭ fihurujuć artykuły za «finansavańnie» i «ŭdzieł u ekstremisckich farmavańniach».
U suviazi z tym, što adbyvajecca, Andrej Stryžak źviarnuŭsia da rodnych palitviaźniaŭ i eks-palitviaźniaŭ:
— Pakłapaciciesia pra svaju biaśpieku — vydalicie pierapisku z servisami «Bajsoła».
Pavodle apošnich źviestak, siłaviki siońnia zatrymali jak minimum 37 čałaviek pa ŭsioj krainie, paviedamlajuć pravaabaroncy «Viasny». Siarod ich — bolš za dvaccać svajakoŭ palitviaźniaŭ. U pastanovach siłavikoŭ fihurujuć artykuły za finansavańnie i ŭdzieł u «ekstremiźmie».
Usiaho ž pad pieraśled padčas siońniašniaha masavaha «chapuna» trapili jak minimum 60 čałaviek. Častku ź ich zatrymali, a ŭ niekatorych prosta praviali pieratrus i adpuścili. Viadoma, što prychodzili da ludziej pa ŭsioj krainie. Pry hetym zatrymańni i pieratrusy praciahvajucca dahetul.
@nashaniva Da dziasiatkaŭ rodnych palitiaźniaŭ va ŭsioj Biełarusi siońnia pryjšli kamitetčyki #biełarusy #biełaruś #minsk #našaniva #biełaruśsiejčas #navinybiełarusi #novostibiełarusi #milicijabiełarusi #briest ♬ Suspenseful and tense orchestra(1318015) - SoLaTiDo Čytajcie taksama:
Niekatoryja siońniašnija zatrymańni źviazanyja z prajektam INeedHelpBY
U Viciebsku zatrymali 76-hadovaha Barysa Chamajdu
Supracoŭniki KDB siońnia masava prychodziać da svajakoŭ palitviaźniaŭ i byłych palitźniavolenych
Kamientary
Značyć, abo nachabny chataskrajnik, abo bot karnikaŭ.