U Litvie aficyjna ŭviali zabaronu na niepracoŭnyja pajezdki ŭ Biełaruś, Rasiju i Kitaj dla vajskoŭcaŭ, dziaržsłužačych i asob, jakija majuć dostup da sakretnaj infarmacyi. Adpaviednuju pastanovu zaćvierdzili na pasiadžeńni ŭrada.
Padstavaj dla zabarony stali patencyjnyja pahrozy biaśpiecy, u tym liku infarmacyja pra toje, što śpiecsłužby zhadanych troch krain zajmajucca zboram źviestak pra Litvu.
U pastanovie vyznačany, adnak, pieralik vypadkaŭ, kali moža być vydadzieny dazvoł na niepracoŭnuju pajezdku: kali havorka idzie pra śmierć blizkich svajakoŭ, realizacyju pravoŭ i abaviazkaŭ baćkoŭ i apiekunoŭ, vyrašeńnie majomasnych pytańniaŭ.
U kancy 2023 hoda Siejm Litvy pryniaŭ zakon ab zabaronie vyjezdu dla vajskoŭcaŭ u niedružalubnyja krainy i daručyŭ uradu vyznačyć śpis takich dziaržaŭ.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki42
Kamientary