«I my pavinny być hatovyja da hetaha momantu», — kaža Hitanas Naŭsieda.
Kiraŭnik Litvy Hitanas Naŭsieda skazaŭ, što jašče dva hady ŭvaha Rasii maje być zasiarodžanaja na vajnie va Ukrainie. Adnak, jak zajaviŭ prezident telekanału LRT, kramloŭski režym choča kinuć vyklik usiamu NATO, piša Delfi.lt.
«Ja nie moh by skazać heta tolki pra krainy Bałtyi. Ja b skazaŭ, što Rasija choča kinuć vyklik usiamu NATO. I my pavinny być hatovyja da hetaha momantu», — skazaŭ u aŭtorak telekanału LRT Naŭsieda. «Jak tolki Rasija, kali joj udasca hetaha damahčysia, pierałomić chod vajny va Ukrainie, jany, pa-za ŭsiakim sumnievam, pačnuć realizoŭvać svaje siarednieterminovyja i doŭhaterminovyja płany, jakija vielmi ambicyjnyja, a mienavita, ( … ) padkreślivaju, realna ździajśnialnyja», — dadaŭ jon.
Prezident Litvy, aceńvajučy mierkavańnie ministra zamiežnych spraŭ Habryelusa Łandśbierhisa pra pahrozy Litvie, padkreśliŭ, što heta chutčej hipatetyčnyja scenary.
Adnak, pavodle jaho słoŭ, vialikaj roźnicy pamiž hetaj infarmacyjaj i realnaj infarmacyjaj, jakaja dajecca adkaznymi słužbami dziaržavy, niama.
«Słužby kanstatujuć, što mahčymaści Rasii ciapier vyviedzienyja va Ukrainu, bo im patrebnyja ŭsie hetyja mahčymaści, kab jany mahli paśpiachova, jak jany miarkujuć, vajavać z Ukrainaj, i ŭ vyniku my navat nazirajem vyvad niekatorych bajavych sił z prylehłych da nas rehijonaŭ», — zajaviŭ Naŭsieda, padkreśliŭšy, što takaja infarmacyja, jakaja dajecca słužbami, nie pavinna ŭvodzić hramadskaść u zman.
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary