U Biełaruś pryvieźli na prodaž redkuju Geely za 13 000 dalaraŭ. Voś jak jana vyhladaje
Biełarusaŭ nie ździvić madelami Geely, jakija źbirajuć na zavodzie «BiełDžy». Adnak asartymient kitajskaha aŭtavytvorcy našmat šyrejšy.
Tak, u Minsku źjaviłasia ŭ prodažy Geely Panda Knight — kampaktny elektramabil. Mašyna 2023 hoda vypusku z nulavym prabieham. Mahutnaść elektramatora składaje 41 k.s. Zajaŭleny maksimalny prabieh na adnoj zaradcy — 200 km. «Panda» maje vychady pad chutkuju i pavolnuju zaradku.
«Vysokaja stol. Nievialiki, ale zručny aŭtamabil», — havorycca ŭ apisańni. Sałon aŭtamabila raźličany na čatyroch pasažyraŭ. Abjom bahažnaha adsieku składaje 800 litraŭ, praŭda, heta pry ŭmovie składzienych kresłaŭ zadniaha radu. U inšym vypadku ŭ bahažniku moža źmiaścicca tolki nievialikaja sumka i zaplečnik.
Pradaviec acaniŭ aŭtamabil u 13 tysiač dalaraŭ. Na momant pačatku prodažaŭ vosieńniu 2023 hoda ceny na Geely Panda u Kitai pačynalisia z 6860 dalaraŭ ZŠA dla pieršych pakupnikoŭ. Standartnaja cana aŭtamabila na jahonaj radzimie — 7410 dalaraŭ ZŠA.
Čytajcie taksama:
«Siońnia kuplajuć tyja, chto staŭ u čarhu ŭ žniŭni-vieraśni». Što ŭ dyleraŭ z najaŭnaściu papularnych madelej Geely
Kitajski aŭtapram zavajoŭvaje śviet. Nie biez dapamohi Zachadu
U Jeŭrasajuzie mohuć admianić zabaronu na prodaž dyzielnych i bienzinavych aŭto z 2035 hoda
Kamientary