Jeŭrasajuz płanuje pryniać 13-ty pakiet sankcyj suprać Rasii da 24 lutaha
Paralelna z akazańniem dapamohi Ukrainie Jeŭrasajuz imkniecca praciahvać uździejničać na Rasiju sankcyjami, ich 13-ty pakiet jon raźličvaje pryniać da 24 lutaha, zajaviła kiraŭnik MZS Bielhii Adža Labib. Bielhija ciapier staršyniuje ŭ Radzie ES.
«My spadziajemsia zaviaršyć pracu nad 13-m pakietam sankcyj da simvaličnaj daty 24 lutaha», — skazała Labib na siesii Jeŭraparłamienta ŭ Strasburhu, dzie abmiarkoŭvałasia pytańnie dapamohi Jeŭrasajuza Ukrainie.
Havoračy pra vajskovuju dapamohu Kijevu, Labib źviarnuła ŭvahu na nieabchodnaść paskoryć pastaŭki bojeprypasaŭ i rakiet, kab strymać abiacańnie i dać Ukrainie miljon 155-milimietrovych snaradaŭ.
«Na ciapierašni momant my ad hetaha vielmi dalokija. U sakaviku, pavodle prahnozaŭ, my zmožam dasiahnuć abjomu kala 524 tys. snaradaŭ. Heta vielmi daloka ad mety, jakuju my pastavili. Nam vielmi nieabchodna zrabić bolš i ŭzmacnić našy vytvorčyja mahutnaści», — skazała kiraŭnica MZS Bielhii.
Čytajcie taksama:
Orban praciahvaje hulniu. Vienhierski parłamient nie zmoh prahałasavać za dałučeńnie Šviecyi da NATA
Pakiet na 50 miljardaŭ jeŭra dapamohi Ukrainie ŭzhodnieny ŭsimi 27 členami ES
-
Rasijskija siłaviki adrezali hienitalii azierbajdžancam, zakatavanym da śmierci padčas rejdu ŭ Jekaciarynburhu
-
«Ukrainskija dzieci nie vinavatyja ŭ tym, što robić były akcior». U Vienhryi zajavili, što mohuć spynić pastaŭki elektryčnaści ŭ Ukrainu, ale pakul nie buduć
-
Jak Kreml vydaje staryja videa z Pucinym za novyja sustrečy, u tym liku i pierad sustrečaj z Uitkafam
Ciapier čytajuć
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy2
Kamientary