Litva płanuje skaracić napałovu kolkaść dazvołaŭ na mižnarodnyja pasažyrskija pieravozki ź Biełaruśsiu
A nielehalnyja kiroŭcy, jakija pieravoziać pasažyraŭ u Biełaruś i ź Biełarusi ŭ Litvu, mohuć pazbavicca viz, ličyć kiraŭnik Nacyjanalnaha centra kiravańnia kryzisnymi situacyjami Viłmantas Vitkaŭskas.
«My možam kazać ab anulavańni viz dla kiroŭcaŭ, kali ŭbačym, što vypadki paŭtarajucca», — skazaŭ Vitkaŭskas u piatnicu. Pavodle jaho słoŭ, nielehalnyja pieravozčyki vyjaŭlajucca, tamu skaračeńnie pravierak nie płanujecca, paviedamlaje LRT.
Taksama Litva płanuje skaracić kolkaść dazvołaŭ na mižnarodnyja pasažyrskija pieravozki ź Biełaruśsiu prykładna napałovu, pakolki kolkaść ludziej, jakija pierasiakajuć miažu, raście.
Pa słovach kiraŭnika Litoŭskaj administracyi transpartnaj biaśpieki Hieniusa Łukošusa, za apošnija paŭhoda było pravierana bolš za šeść dziasiatkaŭ aŭtobusaŭ, jakija pieravoziać ludziej u Biełaruś, i «tolki adzinki abychodzilisia biez parušeńniaŭ».
«Z 64 pravierak było vyjaŭlena 25 vypadkaŭ, kali ŭ aŭtobusaŭ nie było nieabchodnaha dazvołu na pajezdku», — skazaŭ jon.
Za parušeńnie praviłaŭ pieravozki pasažyraŭ nakładajucca štrafy ad 2500 jeŭra da 3000 jeŭra, a za paŭtornaje parušeńnie — ad 3000 da 3500 jeŭra.
Ciapier pamiž Litvoj i Biełaruśsiu — 58 maršrutaŭ.
Naŭsieda pra zakryćcio KPP na miažy ź Biełaruśsiu: Žaleznaja zasłona pamiž Zachadam i Uschodam užo apuściłasia
Da čaho moža pryvieści zakryćcio jašče dvuch punktaŭ propusku na miažy ź Litvoj
Kiraŭnik MUS Litvy padtrymała zakryćcio dvuch punktaŭ na miažy ź Biełaruśsiu: Nacyjanalnaja biaśpieka — pryjarytet №1
«My za toje, kab da nas pryjazdžali». Kiraŭniki Druskienik i Vilenskaha rajona suprać zakryćcia novych prapusknych punktaŭ na miažy ź Biełaruśsiu
U Litvie znoŭ prapanavali zakryć jašče dva pamiežnyja punkty na miažy ź Biełaruśsiu
Ciapier čytajuć
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy12
Kamientary