Śviet2929

«Ja nie budu vas abaraniać, budu zaachvočvać Rasiju rabić usio, što im zachočacca». Tramp zhadaŭ staruju razmovu z sajuźnikami pa NATA 

Donald Tramp na pasadzie prezidenta ZŠA pahražaŭ sajuźnikam pa NATA, što budzie zaachvočvać Rasiju «rabić usio, što joj uzdumajecca» z krainami, jakija nie vykonvajuć finansavyja abaviazacielstvy pierad aljansam. Pra heta jon raspavioŭ na pieradvybarnym mierapryjemstvie. U Biełym domie nazvali zajavy Trampa «šakavalnymi», piša Bi-bi-si.

Donald Tramp vystupaje na mitynhu va ŭniviersitecie ŭ Konvei, Paŭdniovaja Karalina, 10 lutaha 2024 hoda. Fota: AP Photo / Manuel Balce Ceneta

«NATO byŭ bankrutam, pakul nie źjaviŭsia ja, — skazaŭ Tramp na mitynhu ŭ Konvei, Paŭdniovaja Karalina. — Ja skazaŭ: «Usie buduć płacić». Jany skazali: «Nu, kali my nie zapłacim, vy ž usio roŭna budziecie nas abaraniać?» Ja adkazaŭ: «Dakładna nie». Jany nie mahli pavieryć u heta» (cytata pa CNN).

Zhodna sa Statutam Paŭnočnaatłantyčnaha aljansu, chaŭruśniki biaruć na siabie abaviazańni raschodavać na svaje abaronnyja patreby nie mienš za 2% VUP. Adnak u papiarednija hady tolki niešmatlikija ź ich vykonvali hetyja abaviazacielstvy, nie ličačy pahrozu dla siabie značnaj. U bytnaść prezidentam ZŠA Donald Tramp nieadnarazova krytykavaŭ urady hetych krain za toje, što jany hrebujuć mierami pa ŭmacavańni svajoj abaranazdolnaści, całkam spadziejučysia ŭ hetym pytańni na ZŠA.

Jak raspavioŭ Tramp na mitynhu ŭ Paŭdniovaj Karalinie, svaje zaŭvahi pra Rasiju jon zrabiŭ padčas adnoj z sustreč lidaraŭ krain NATO. Pavodle jaho słoŭ, lidar «adnoj vialikaj krainy» pradstaviŭ hipatetyčnuju situacyju, u jakoj jon nie vykonvaje svaje finansavyja abaviazacielstvy ŭ ramkach NATA i padviarhajecca napadu z boku Maskvy.

Jak raspavioŭ Tramp, hety lidar pacikaviŭsia, ci pryjduć ZŠA na dapamohu jahonaj krainie pry takim scenary, što zaachvociła jaho dać jamu adkaz.

«Ja skazaŭ: vy nie zapłacili, vy praterminavali? — nibyta adkazaŭ Tramp kiraŭniku nienazvanaj krainy. — Nie, u takim vypadku ja nie budu vas abaraniać, bolš za toje, ja budu zaachvočvać ich rabić usio, što im zachočacca. Vy pavinny płacić pa svaich rachunkach».

U asnovie NATO — pryncyp kalektyŭnaj abarony, zhodna ź jakim napad na adnaho z čalcoŭ NATO razhladajecca jak napad na ŭsich čalcoŭ aljansu.

Na pasadzie prezidenta Tramp nieadnarazova zajaŭlaŭ, što ZŠA vymušanyja płacić zanadta vialikuju dolu ŭ biudžet aljansu, paprakajučy jeŭrapiejskich chaŭruśnikaŭ u niežadańni prytrymlivacca pryncypu kalektyŭnaj abarony.

Bieły dom nazvaŭ vykazvańni Trampa «šakavalnymi i varjackimi» i nahadaŭ pra vysiłki prezidenta Džo Bajdena pa ŭmacavańni aljansu.

Tramp nie ŭdakładniŭ, ci źbiraŭsia jon realizavać svaju pahrozu. Jon u čarhovy raz paŭtaryŭ, što zastańsia jon prezidentam na druhi termin, Rasija nikoli b nie advažyłasia napaści na Ukrainu.

«My pavinny ŭładzić hetuju vajnu, i ja jaje ŭładžu», — zajaviŭ Tramp, jaki razhladajecca jak najbolš vierahodny kandydat ad Respublikanskaj partyi na prezidenckich vybarach 2024 hoda.

Kamientary Donalda Trampa prahučali ŭ toj momant, kali Demakratyčnaja administracyja ZŠA praktyčna spyniła vydzialać srodki na vajennuju dapamohu Ukrainie (pamiery ŭžo adobranych Kanhresam pakietaŭ vajennaj dapamohi niaŭchilna skaračalisia ź leta minułaha hoda, a z kanca śniežnia jany pierastali pradastaŭlacca zusim), a respublikancy ŭ Kanhresie ŭsio bolš skieptyčna staviacca da vydzialeńnia dadatkovych srodkaŭ pry adsutnaści zrazumiełaj stratehii dalejšaha adbićcia rasijskaj ahresii.

Raniej u subotu Tramp zaklikaŭ spynić «bieskantrolnuju razdaču» mižnarodnaj dapamohi, zajaviŭšy, što ZŠA pavinny admovicca ad ciapierašniaha farmatu dapamohi jakim by tam ni było krainam. «Nijakija hrošy ŭ jakaści zamiežnaj dapamohi nie pavinny davacca nijakaj krainie, kali heta nie aformlena jak pazyka, a nie prosta razdača», — napisaŭ Tramp u sacyjalnaj sietcy Truth u subotu.

Sa słoŭ Trampa, jon zaniepakojeny tym, što Ukrainie mohuć dać hrošy, «a potym jana składzie ŭhodu z Rasijaj».

«Dajcie im hrošy, i kali jany zmohuć ich viarnuć, jany ich viernuć. Kali jany nie zmohuć ich viarnuć, jany nie abaviazanyja ich viartać, — skazaŭ Tramp. — Ale kali jany syduć da inšaj krainy, to atrymajecca, što nas kinuć, jak sabaku. Kali heta adbudziecca z našaj krainaj, to vielmi prosta — my patelefanujem i skažam, što chočam atrymać svaje hrošy nazad, tamu što nie chočam, kab našy hrošy sychodzili na inšy bok».

Pryniaty Kanhresam i padpisany prezidentam Bajdenam u 2022 hodzie zakon ab lendlizie praduhledžvaŭ pieradaču ŭzbrajeńniaŭ i vajennaha ryštunku Ukrainie ŭ nieabmiežavanych abjomach u formie pazyki, bieź pieradačy prava ŭłasnaści. Adnak hety zakon tak i nie pačaŭ dziejničać, a ŭ vieraśni 2023 hoda straciŭ siłu i bolš nie padaŭžaŭsia.

Pa stanie na kaniec 2022 hoda NATA paviedamlała, što abaviazacielstvy pa vydzialeńni nie mienš za 2% VUP na abaronu vykonvajuć siem z 31 krainy-člena aljansu — u 2014 hodzie takich krain było tolki try. Poŭnamaštabnaje ŭvarvańnie Rasii va Ukrainu ŭ 2022 hodzie padšturchnuła niekatoryja krainy-čalcy NATO da dadatkovych vajskovych vydatkaŭ.

Kamientary29

  • hierdzień
    11.02.2024
    "šakalnymi", vykonvaj svaje abaviazki i ŭsio budzie dobra
  • Voś čamu
    11.02.2024
    Usia vata za trampa
  • Usio pravilna rabiŭ
    11.02.2024
    Pad kaniec jahonaha termina vydatki jeŭrapiejcaŭ na svaju abaronu ŭzraśli. Usio jašče nie da naležnych 2-ch adsotkaŭ ad VNP, ale ž. 

Ciapier čytajuć

Što moža čakać tych, kaho buduć sudzić pa spravie «Biełaruskaha Hajuna»?1

Što moža čakać tych, kaho buduć sudzić pa spravie «Biełaruskaha Hajuna»?

Usie naviny →
Usie naviny

Pad Saladaram adzin rasijski samalot źbiŭ inšy?4

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

Padčas izrailskaj ataki na Iran zabili kamandzira śpiecpadraździaleńnia «Kuds»1

Nietańjachu ŭvioŭ Iran u zman z dapamohaj viasiella, a Tramp — svaimi zajavami8

Izrail pačaŭ novuju chvalu ŭdaraŭ pa Iranie12

Tramp: Niezrazumieła, ci zastałasia ŭ Irana jadziernaja prahrama3

«Raniej byŭ smačniejšy». U tyktoku abmierkavali minułaje i sučasnaść kvasu z žoŭtaj bočki6

U Minsku źjavilisia «čystamaty». Što heta takoje i jak jany pracujuć?10

«Ja ŭžo adnojčy ŭciakaŭ ad dyktatury». U ZŠA syna biełaruskaha palityčnaha ŭciekača chočuć departavać pa novaj schiemie Trampa31

bolš čytanych navin
bolš łajkanych navin

Što moža čakać tych, kaho buduć sudzić pa spravie «Biełaruskaha Hajuna»?1

Što moža čakać tych, kaho buduć sudzić pa spravie «Biełaruskaha Hajuna»?

Hałoŭnaje
Usie naviny →

Zaŭvaha:

 

 

 

 

Zakryć Paviedamić