U Minsku idzie sud ab kradziažy hrošaj dolščykaŭ «Hrušaŭskaha pasada». 430 paciarpiełych i 58 miljonaŭ rubloŭ škody

U sudzie Leninskaha rajona Minska ŭ čaćvier pačali razhladać spravu ab kradziažy srodkaŭ u dolščykaŭ EK «Hrušaŭski pasad», paviedamlaje BiełTA. Abvinavačanymi pa spravie prachodziać dva čałavieki, ale sudziać siońnia tolki namieśnika dyrektara pa finansach kampanii «Žyłbudkamplekt» Alaksandra Zajcava. Dyrektar firmy Illa Vołach znachodzicca ŭ vyšuku.

Učora sud Leninskaha rajona pačaŭ razhladać spravu ab kradziažy hrošaj dolščykaŭ VK «Hrušaŭski pasad». Illa Vołach z 2016 pa 2020 hod zaklučaŭ pahadnieńni ab budaŭnictvie žyłych i niežyłych pamiaškańniaŭ i dahavory kupli-prodažu žyllovych ablihacyj TAA «Žyłbudkamplekt», a atrymanyja hrošy častkova traciŭ na inšyja mety. Śledčymi dakładna ŭstanoŭlena, što zabudoŭščykam pryciahnutyja, pieravažna pa pracentnych i žyllovych ablihacyjach, hrašovyja srodki na ahulnuju sumu bolš za 58 miljonaŭ rubloŭ, jakich, zhodna z vyvučanaj śledčymi dakumientacyi, całkam chapała dla ŭźviadzieńnia abjekta nieruchomaści. Ale na budaŭnictva VK dyrektar patraciŭ kala 24 miljonaŭ rubloŭ.

Pavialičyć

Taksama padčas śledstva byli ŭstanoŭlenyja i inšyja ŭdzielniki złačynnaj schiemy. Da kradziažu i machlarstva taksama datyčny padnačaleny Vołacha — namieśnik dyrektara pa finansach Alaksandr Zajcaŭ. Apošni atrymlivaŭ ad Vołacha majomasnuju vyhadu za svaje dziejańni ŭ vyhladzie padvyšanych akładaŭ, abjektaŭ nieruchomaści, darahoha słužbovaha aŭtamabila.

Na łavie padsudnych znachodzicca mienavita Alaksandr Zajcaŭ. Abvinavačany svaju vinu całkam pryznaŭ.

— Pa sutnaści vystaŭlenaha abvinavačvańnia (vinu) pryznaju, — adkazaŭ Alaksandr Zajcaŭ na pytańnie sudździ ab pryznańni viny ŭ inkryminavanych złačynstvach.

Sudździa ŭdakładniła, ci varta rasceńvać hetyja słovy jak poŭnaje pryznańnie viny.

— U maim razumieńni — tak, — udakładniŭ abvinavačany.

U ramkach sudovaha pasiadžeńnia siońnia čakajecca dopyt śviedak.

Illa Vołach znachodzicca za miažoj, u dačynieńni da jaho sprava budzie razhledžana ŭ ramkach śpiecyjalnaj vytvorčaści. Akramia taho, jon abvinavačvajecca pa č.2 art. 240 Kryminalnaha kodeksa Respubliki Biełaruś (naŭmysnaje pavieličeńnie niepłaciežazdolnaści jurydyčnaj asoby, jakoje paciahnuła pryčynieńnie škody ŭ asabliva bujnym pamiery).

Śledčyja ŭstanavili 430 paciarpiełych i piać subjektaŭ haspadarańnia, jakim dziejańniami dyrektara tavarystva «Žyłbudkamplekt» Illi Vołacha naniesiena škoda bolš za 58 miljonaŭ rubloŭ.

• 0
• 0
• 4
• 4
• 0
• 2
• 1
• 0