Nieruchomaść11

Ad 13 da 20 kvadrataŭ. Jak vyhladajuć i kolki kaštujuć samyja maleńkija kvatery ŭ Biełarusi

Niekatoryja ź ich — heta byłyja hatelnyja numary, u inšych niama prybiralni.

Svaja kvatera ŭ hateli

Samyja kampaktnyja kvatery z vystaŭlenych na prodaž znachodziacca ŭ Homieli. Mieściacca jany ŭ budynku haściničnaha kompleksu «Palot». Ahulnaja płošča žytła — 13 m². Adzin z takich hatelnych numaroŭ, pierabudavanych u kvateru, acenieny ŭ 7500 dalaraŭ, a druhi ŭ 10 tysiač.

Pamiaškańni padzielenyja na kuchniu-haścioŭniu, kalidorčyk i sanvuzieł.

Interjer kvatery za 10 tysiač dalaraŭ u Homieli. Fota: realt.by

Kab sekanomić prastoru, u kvatery za 10 tysiač dalaraŭ umyvalnik ustalavali nad pralnaj mašynaj tak, što kanstrukcyja vyhladaje adzinym cełym.

Mahčymy abmien

Kvatera z ahulnaj płoščaj 14 «kvadrataŭ» pradajecca ŭ Viciebsku. 

Prosiać za jaje 12 500 dalaraŭ. Mieścicca jana na pieršym paviersie trochpaviarchovaha doma pa adrasie Karła Marksa, 30. Jak paznačana ŭ apisańni, pradaviec hatovy na abmien.

Fota: realt.by

Kuchnia ŭ adnoj prastory z prychožaj. Asnoŭny pakoj biez mebli. U sanvuźle znajšłosia miesca dla ŭnitaza i vuhłavoj dušavoj kabiny z hłybokim dnom.

Jašče adzin hatelny numar

Kvatera z ahulnaj płoščaj 16,5 m² taksama znachodzicca ŭ budynku byłoha hatela «Palot» u Homieli. Za jaje prosiać 15 tysiač dalaraŭ.

Fota: realt.by

U asnoŭnym pakoi źmiaścilisia šafa, poŭnapamiernaja ladoŭnia, kuchonnaja ścienka, maleńki stolik i raskładnaja kanapa.

Fota: realt.by

Taksama tut jość nievialikaja prychožaja i vanny pakoj, dzie aproč tualeta i dušavoj kabiny znajšłosia miesca dla rakaviny. 

Kvatera ŭ internacie

Usiaho na pałovu kvadrata bolšaja mikrakvatera pradajecca ŭ Viciebsku. Apartamienty z ahulnaj płoščaj 17 m² znachodziacca ŭ renavanym budynku byłoha internata. Cana — 11 200 dalaraŭ. Jak paznačana ŭ apisańni, kvatera pradajecca z ramontam pad kluč.

Kvatera biez sanvuzła

Jašče adna adnapakajoŭka, ahulnaja płošča jakoj nie daciahvaje da 20 «kvadrataŭ», pradajecca ŭ Mahilovie. Znachodzicca jana pa adrasie Vaviłava, 27, na druhim paviersie dvuchpaviarchovaha cahlanaha doma.

Kvatera składajecca z kuchni-prychožaj na 5,6 m² i pakoja pamieram 13,1 m².

Fota: realt.by

U apisańni da abjekta paznačana, što kvatera moža padyści jak dla adnaho čałavieka, tak i dla maładoj siamji, abo dla zdačy ŭ arendu. Haspadary aceńvajuć žytło ŭ 13 000 dalaraŭ. 

Utulnaja kvatera

Zusim troški nie daciahvaje da 20 «kvadrataŭ» adnapakajoŭka ŭ Breście pa vulicy Małahvardziejskaj. Mieścicca jana na pieršym paviersie 9-paviarchovaha cahlanaha doma 1980 hoda pabudovy.

U adroźnieńnie ad papiarednich varyjantaŭ, u hetaj kvatery jość asobnyja kuchnia, kalidor i sanvuzieł, u jakim znajšłosia miesca dla vanny.

Adnapakajoŭka ahulnaj płoščaj 19,7 m² aceniena ŭ 22 500 dalaraŭ. Haspadary apisvajuć žytło jak utulnuju kvateru z dobrym ramontam i cichim dvarom.

Usiaho ŭ Biełarusi pradajecca kala 10 kvater ahulnaj płoščaj da 20 «kvadrataŭ».

Čytajcie taksama:

Ciešča eks-staršyni SK radykalna pierabudavała katedž u Drazdach. I prosić za jaho $3,3 miljona FOTY

Kamientary1

  • Biełarusn
    10.02.2024
    V Polšie eto byli by bolšije kvartiry))

Ciapier čytajuć

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški22

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški

Usie naviny →
Usie naviny

KNDR vyprabavała novyja rakiety SPA. Kim Čen Yn kantralavaŭ asabista3

Jak u Kijevie adznačyli Dzień Niezaležnaści2

U aeraporcie Baku pasažyraŭ Belavia trymali dźvie hadziny ŭ samalocie bieź vientylacyi, ale samalot tak i nie palacieŭ1

Siońnia ŭ Minsku raźvitajucca ź Jarasłavam Jeŭdakimavym

U centry Vilni ruskaja muzyka hučała hučniej za sireny. Miascovyja vyklikali palicyju, sprava vyklikała vialikaje abmierkavańnie27

Na byłym Linhvistyčnym univiersitecie ŭžo pamianiali nadpis FOTAFAKT10

Ad atak dronaŭ zahareŭsia terminał porta Uść-Łuha pad Pieciarburham2

Volha Łojka: Łukašenka vielmi mocna baicca Pucina28

«Vy baronicie nie tolki svaju ziamlu — vy baronicie prava ŭsich ludziej žyć u svabodzie». Cichanoŭskaja — da Dnia Niezaležnaści Ukrainy12

bolš čytanych navin
bolš łajkanych navin

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški22

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški

Hałoŭnaje
Usie naviny →

Zaŭvaha:

 

 

 

 

Zakryć Paviedamić