Rabotnika «Naftana» zatrymali «za demanstracyju nacysckaj simvoliki»
Sudździa Navapołackaha suda Zinaida Bałabołava 31 studzienia za «publičnuju demanstracyju nacysckaj simvoliki» aryštavała na 13 sutak kantralora kantrolna-prapusknoha punkta AAT «Naftan» aktyvista hiravaha sportu i člena Biełchimprafsajuza Artura Francava, piša «Viciebskaja viasna».
U sudzie byŭ začytany pratakoł ab administracyjnym pravaparušeńni, ź jakoha vynikała, što Artur Francaŭ na svajoj staroncy ŭ sacyjalnaj sietcy «Vkontaktie» raspaŭsiudziŭ videarolik z vyjavaj emblemy nacyjanał-sacyjalistyčnaj pracoŭnaj partyi Hiermanii, a taksama vyjavaj svastyki, jakaja źjaŭlajecca simvałam nacyjanał-sacyjalistyčnaj rabočaj partyi Hiermanii, i jakaja ujaŭlaje saboj znak u vyhladzie kryža z čatyrma kancami, zahnutymi ŭ pravy bok pad pramym vuhłom.
Na sudovym pasiadžeńni mužčyna vinu nie pryznaŭ, źviarnuŭšy ŭvahu na toje, što jon nie pieraśledavaŭ mety publičnaj demanstracyi nacysckaj simvoliki, a rolik raźmiaściŭ dziela zabaŭki.
Paličyŭšy, što vina i dačynieńnie da administracyjnaha pravaparušeńnia dakazanyja, sudździa Bałabołava na padstavie č.1 art.19.10 KaAP prysudziła Francavu aryštu na trynaccać sutak.
«Treba vyciahnuć siudy administrataraŭ, jakija za miažoj znachodziacca». Jak HUBAZiK pravodzić hutarki z aryštavanymi
Za ŭdzieł u pratestach zatrymali bieraściejca
«Majho maładoha čałavieka naciahnuli łastaŭkaj, źbivali, bo jon admaŭlaŭsia davać na mianie pakazańni». Śpiavačka Meryjem Hierasimienka raskazała pra svajo zatrymańnie
Kamientary