U Breście ajcišnika sudzili za danat pałku Kalinoŭskaha, zrobleny ź biełaruskaj kartki
Brescki abłasny sud 12 i 14 lutaha 2024 hoda razhladaŭ kryminalnuju spravu suprać 39-hadovaha Alaksandra Sysojeva. Prakuroram byŭ Alaksandr Bohuš, a sudziła Rusłana Siańko, piša «Viasna».
Alaksandr Sysojeŭ rodam z Bronnaj Hary Biarozaŭskaha rajona, a apošnija hady žyŭ u Biarozie. Pavodle źviestak z užo vydalenaha profilu va «Vkontaktie», u 2008 hodzie skončyŭ BDUIR pa śpiecyjalnaści «štučny intelekt». Da momantu aryštu raspracoŭvaŭ kampjutarnuju hulniu. Mužčynu zatrymali 5 lipienia 2023 hoda, z tych časoŭ jon byŭ pad vartaj.
Sysojevu pastavili ŭ vinu toje, što jon praz fejsbuk, vykarystoŭvajučy apłatnuju sistemu PayPal, pieraličyŭ hrošy pałku Kalinoŭskaha. Pieravod na sumu 12,91 dalara ZŠA byŭ ź biełaruskaj karty.
Dziaržabvinavačańnie kvalifikavała heta jak č. 2 art. 361-3 KK RB, «finansavańnie hramadzian Respubliki Biełaruś dla ŭdziełu na terytoryi zamiežnaj dziaržavy va ŭzbrojenym farmavańni adnaho z supraćlehłych bakoŭ, va ŭzbrojenych kanfliktach, vajennych dziejańniach».
Pavodle źviestak «Bieraściejskaj viasny», 12 lutaha prakuror Bohuš zapatrabavaŭ dla Sysojeva piać hadoŭ kałonii ŭzmocnienaha režymu. Prysud abviaščali 14 lutaha. Dakładny prysud na hety momant nieviadomy, adnak u absalutnaj bolšaści vypadkaŭ pa palityčnych spravach bresckija sudździ prysudžajuć roŭna toje, što prosiać prakurory.
«Pa takich «abvinavačańniach» možna pierasadžać usich prykormlenych prapahandystaŭ». Prarasijskaja stalinistka Mirsalimava prakamientavała svaju spravu
Adsutnaść nyrki, puchlina ŭ hałavie, rak. Chto ź biełaruskich palitviaźniaŭ maje za kratami vialikija prablemy sa zdaroŭjem
Što viadoma pra pamierłaha palitviaźnia Ihara Lednika
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary