Chrenin: Zachad rychtujecca da vajny, viadzie raźviedku suprać Biełarusi
Pavodle jaho słoŭ, biełaruskija vajskoŭcy fiksujuć roznyja dziejańni z boku zachodnich krain, jakija ŭklučajuć u siabie nie tolki dziejańni suchaputnych vojskaŭ, ale i raźviedku z pavietra.
Zachodnija krainy viaduć pastajannuju raźviedku suprać Biełarusi, zajaviŭ ministr abarony Respubliki Viktar Chrenin u intervju telekanału «Rasija 24», piša «Sputnik».
«Na siońniašni dzień my bačym svoječasovy kompleks mierapryjemstvaŭ, jakija pravodzić Zachodniaja Jeŭropa na čale z ZŠA dla padrychtoŭki da vajennych dziejańniaŭ. My razumiejem, suprać kaho hetyja vajennyja dziejańni buduć nakiravanyja», — kanstatavaŭ kiraŭnik abaronnaha viedamstva.
Pavodle jaho słoŭ, biełaruskija vajskoŭcy fiksujuć roznyja dziejańni z boku zachodnich krain, jakija ŭklučajuć u siabie nie tolki dziejańni suchaputnych vojskaŭ, ale i raźviedku z pavietra.
«Akramia suchaputnaha składnika my bačym, jak aktyŭna, pastajanna viadziecca raźviedka suprać Respubliki Biełaruś, va ŭsich jaje vidach i radyjotechničnaja», — źviarnuŭ uvahu Chrenin.
Pry hetym jon udakładniŭ, što raźviedka biełaruskaj terytoryi viadziecca jak pry dapamozie samalotaŭ, tak i z vykarystańniem bieśpiłotnaj avijacyi. Kožny dzień fiksujecca ad piaci da dzieviaci vyletaŭ.
Ministr abarony raspavioŭ, što suprać Biełarusi viadziecca i raźviedka z kosmasu. Z dapamohaj spadarožnikaŭ vyvučajuć vajennyja haradki i bazy armii.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary