«Budziem źbivać» — Chrenin ab parušeńni pavietranaj prastory Biełarusi
Ministr abarony Viktar Chrenin u intervju telekanału «Rasija-24» raskazaŭ, jak vajennaje viedamstva budzie reahavać na fakty parušeńnia dziaržaŭnaj miažy ŭ pavietranaj prastory.
Chrenin skazaŭ, što tolki sa žniŭnia minułaha hoda było zafiksavana šeść parušeńniaŭ dziaržaŭnaj hranicy ŭ pavietranaj prastory.
«My na ŭsie parušeńni reahujem. Kali treba — uźnimajecca naša bajavaja avijacyja, pryvodziacca ŭ adpaviednaści stupieni hatoŭnaści zienitna-rakietnyja vojski. Kali ŭžo zusim [buduć] stračanyja tarmazy ź ich boku, viadoma, my budziem źbivać, cyrymonicca nie budziem», — skazaŭ Viktar Chrenin.
Ukraina, pavodle jaho słoŭ, zasiarodziła na miažy ź Biełaruśsiu hrupoŭku kolkaściu 112-114 tys. čałaviek. Ale «takaja situacyja nie patrabuje naroščvańnia dadatkovych vajennych sił Biełarusi na hranicy z Ukrainaj».
Chrenin bolš apasajecca, što pad vyhladam vučeńniaŭ NATA moža stvaryć udarnuju hrupoŭku kala Biełarusi. «Kali heta sapraŭdy pačnie pieratvaracca ŭ stvareńnie bolš mahutnych hrupovak abo jašče čahości, budzie reakcyja ŭ adkaz z našaha boku», — zapeŭniŭ Chrenin.
Adkaz biełaruskaj armii, pavodle jaho słoŭ, budzie «maksimalna adekvatnym».
Kamientary