Rasijski bieśpiłotnik sačyŭ za pajezdkaj niamieckaj ministarki pa Ukrainie
Ministarka zamiežny spraŭ FRH Analena Bierbak pryjechała na poŭdzień Ukrainy. Karespandentka BILD raskazała pra abstaviny vizitu, jakija daviałosia raptoŭna mianiać z metaŭ biaśpieki.
Jak piša karespandentka Nadzia Asvad, kałona aŭtamabilaŭ z kiraŭnikom MZS Hiermanii paśla naviedvańnia joj Mikałajeva vyjechała ŭ bok Čornaha mora, kab naviedać tam apraśnialnuju stancyju. Jana znachodzicca za 50 km ad linii frontu. U samym pačatku vajny Rasija źniščyła vodapravodnyja zbudavańni Mikałajeva, z-za čaho horad sutyknuŭsia ź niedachopam pitnoj vady.
Na šlachu da stancyi da kałony mašyn nabliziŭsia rasijski raźviedvalny bieśpiłotnik. Zvyčajna za jaho źjaŭleńniem idzie ataka z pavietra. Va ŭkrainskich členaŭ delehacyi spracavaŭ tryvožny sihnał na smartfonie, kiroŭcy stali sprabavać adarvacca ad drona. Ale jon lacieŭ za kałonaj, pieraśledujučy ich.
U vyniku im udałosia adarvacca, robat palacieŭ preč. Ale vizit na stancyju admianili. «Naviedvańnie hidratechničnych zbudavańniaŭ pryjšłosia daterminova admianić pa mierkavańniach biaśpieki», — paviedamili ŭ MZS Hiermanii.
Vitaŭtas Łandśbierhis: Rasija całkam vyradžajecca, jana niasie čałaviectvu zło, jana — biada i chvaroba
«Ałkahol paŭpłyvaŭ na jaje rozum»: eks-prezident Manholii vyśmiejaŭ «damu z MZS RF»
Vice-kancler Niamieččyny staŭ prykryvać rot u Bundestahu. Kab dziaržsakrety nichto nie pračytaŭ pa vusnach FOTAFAKT
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary